Novedades...

Gazetemizin 60. yıl kutlamaları kapsamında düzenlediğimiz, “Doğu ve Batı arasında sıkışmış bir kimlik: dünümüz, bugünümüz ve yarınımız” başlığı altında konuşmacılarımızın metinlerini yayınlamayı sürdürüyoruz. Bu haftaki ikinci bölümde Prof. Dr. Elda Abrevaya, Otto Weininger, Hannah

Judeo-Espanyol
9 Ocak 2008 Çarşamba

Una Boda de la otra parte del oseano
Mas aya ke las Altas Mares, de la otra parte del oseano, en la sivdad de New York: Davy Alyse ija de Marcia i Harvey Ellis i Jacki Jack ijo de muestra kolavoradora Korin Penso i de Yermia Penso adjuntaron sus destinos por una larga vida yena de felisidad i kerensya. Ke sus kaza sea syempre un nido de amor i de armonia i sus futuro resplandisyente de alegria i prosperidad. Todas muestras felisitasyones i muestros mijores dezeos a las famiyas Ellis i Penso.

Triple alegria en la kaza de Deniz i Niso Saporta
Doz Bar- Mitzvas + Una Bat- Mitsva Shabat el 20 del mez de Oktobre, entornados de todos sus keridos, paryentes i amigos, fueron selebradas en el Kal Neve- Şalom: Las Bar- Mitsvas de Izer i Seymur i la Bat- Mitsva de Eslin ijos i ija de Deniz i Niso Saporta. El Dyo ke los bendiga i ke la Shehina sea syempre kon eyos. Todas muestras felisitasyones i muestros mijores suetos a las famiyas Saporta i Baler.

Ermoza Seremonia de Tefilim
Djuevez el 18 Octobre fue selebrada en el Kal de Ortaköy la Seremonia de Tefilim de Yigal Levi İjo de Röne i Meno Levi i inyeto de Ester i jak Gülerşen, gabay del kal de Çorapçı Han ansi ke de Klara Levi... Ombre de buena Ventura sea İgal, el Dyo ke lo bendiga, mazalozo, amado de los syelos i de los umanos.  Todas muestras felisitasyones i muestros mijores suetos a las famiyas Levi i Gülerşen.

Geçmiş Olsun a Bension Pinto
El Prezidente Onoraryo de muestra komunidad Bension Pinto  vyene de ser operado de un polip en el Garon.
Se trata de una chika intervensyon. El ya salyo del ospital i bendicho el Dyo, su salud esta en perfekto estado Todos muestros suetos de sanedad de muestra kavesera ke no manke.

Afektuoza rememorasyon
En este mez de Oktobre ande fyestimos kon alegria i entuzyasmo los sesenta anyos de la fundasyon del Şalom, es kon emosyon ke dedikamos muestro pensamyento yeno de respekto i amistad a Salamon Bicerano el valorozo poeta Sefardi ke supo despues la muerte de Avram Leyon, mentener en vida la pajina Judeo- Espanyola, Estranya koinsidensya: Salamon Bicerano nasyo el 29 Oktobre 1923, i dia por dia vente i kuatro anyos mas tadre, el 29 Oktobre 1947 fue kreado muestro semanaryo.

La muerte de un vyejo amigo del Şalom
Es kon grande tristeza ke anunsyamos la muerte del fotografo Jak Belman buen amigo de muestra gazete i ombre muy konsiderado por su karakter syempre amavle i la metikulozidad ke el metia en el kumplimyento de su ofisyo de fotografo. Ke su alma repoze en Paz.