Kada una de las ovras realizadas por estos chikos artistos ke konosyeron de serka la desgrasya de la gerra, es a eya sola un mensaje de dolor i tambyen de paz. Sovre una de entre eyas, entre munchos chikos desenes simbolikos i un grande globo ke karakteriza el Mundo, dos sitasyones:
“Kuando ay gerra todos los pedasos son separados”
“Kuando ay Paz, todos los pedasos azen uno, porke semos un mundo”:
No kale mankar de vijitar esta realizasyon tan simbolika ke tendra lugar del 20 al 24 del mez koryente, de las oras 10 de la demanyana asta las 6 de la tadre, en la “ Beyoğlu Belediyesi sanat Galerisi, Istiklal cad. No 437 – Beyoğlu.
