Polonya`nın en büyük Yahudi mezarlıklarından biri olan Czetochowa Musevi Mezarlığı`nın 100 mezar taşına gamalı haç çizilerek Almanca “Yahudiler dışarı” yazıldı
El suenyo Israelyano de los refujyados del Darfur
Es ansi kel kotidyano elektroniko Le monde yama la difisil eksperyensa de 239 refujyados del Sudan, los kualos despues de aver fuido las desgrasyas de sus payiz i traversado el Ayifto, se enfiltraron a las eskondidas en Israel para demandar avrigo.
En este momento eyos se topan en el Negev, en karavanas klimatizadas, asperando kel Estado de Iserael los resiva legalmente.
Durante los tres ultimos mezes 2500 klandestinos de orijen Afrikana se introduzyeron a las eskondidas en Israel, los de Darfur fueron immedyatamente integrados en el payis i los otros fueron retornados al Ayifto debasho la promesa de las Otoridades Ejipsyanas de no mandarlos atras al geinnam del payis de ande vinyeron.
Komo es un vyejo uzo en Israel, grupos karitativos protestaron kon vehemensya kontra el fakto de tener dos politikas diferentes i de azer tanto asperar este ultimo konvoy, el kual segun lo ke deklaro el porta- voz del governo Israelyano, sera integrado en serka.
Enkontro entre el Prezidente Mahmud Abbas i Ehud Olmert
El primer enkontro entre el Prezidente Mahmud Abbas i Ehud Olmert (despues la vijita de Condoleezza Rice en el Oriente Medyo) tuvo lugar Lunes el 6 Agosto en Jericho.
Es Verdad ke asta agora los dos Ombres de Estado tuvyeron la okazyon de enkontrarsen varias vezes, ma es la primera vez ke esto se realizo en una sivdad Palestinyana.
El buto de este enkontro es de aparejar endjuntos, en sus prinsipyos de baza, el kuadro de las negosyasyones de la proksima Konferensya Internasyonal a este sujeto, ke se realizara en un futuro muy serkano.