Coya DELEVİEntre los mesajes de Ladinokomunita estava el del Sr. Yehuda Hatsvi de Tel- Aviv. Meldi una data, i el nombre de un lugar, sitados uno debasho d`otro. Estas sitasyones me emosyonaron bastante.10 Tamuz (26 Junio oganyo) la data de la muerte de mi kerida madre... i, “Bet Avot Leon Recanati” ande estuvo mi papa, Yaacov Azikri, los ultimos anyos de su egzistensya...
Ninet BİVAS
La Casa Sefarad de Madrid konosida tanbien por Beit Sefarad- İsrael avriyo sus puertas por la primera vez martes la noche el 5 de Juniyo. Este proyekto fue organizado por el Ministeryo de Kooperasyon Espanyol i el Ministeryo de eksteryor. La primera noche el Cinemaclub de enverano mostro filmos de İsrael: Haesder, Afula Express i Broken Wings. A la fin el direktor de los filmos Judiyos Herve Hachuel tomo la palavra. La televizyon Espanyola (RTVE) va prezentar un livro de dulsuriyas Sefardis. “Dulce lo vivas” va ser prezentado en la fuar del livro de Madrid.
La Casa Sefardi- İsrael tiene tres obvektivos. El estudyo de la kultura Sefardi, ogmentar el estudyo de la kultura Judiya i relasyones serkanos amigable i kooperasyon entre Espanya i İsrael. En un reportaje dela Radio Sefarad, la direktora de la Casa Sefard- İsrael konfirma ke la primera evidensya de la prezensya Judiya en Espanya es una tomba de una kreatura del sigundo siglo onde el nombre esta eskrito. De la ekspulsyon de los Judyos de Espanya en 1492, los Sefaradim konservaron sus kulturas i la lingua Ladino de muestros dias protejada por la Akademia Espanyola i el İnstituto Cervantes. La Casa Sefarad- İsrael tiene en su plano de ser un lugar kommun i de enkontro por las komunitas Judias i organizasyones lokal i enternasyonal.
