David ROMANO“Eğer gazeteleri okumazsanız bilgilenemezsiniz, okursanız yanlış bilgilenirsiniz” Mark Twain
Alegria en la Sinagoga Neve ªalom
Alhad el 3 de Mayo, en prezensya de una nombroza asistensya de paryentes i amigos i en una atmosfera yena de alegria i kerensya,
LEYLA ija de prezidente de la lodja feminina de la FKD Eti & Jeki Mizrahi
i IZZET ijo de Janet & Eli Meriç
Prezidente de la Ovra Miºne Tora
aunaron sus vidas para un largo futuro ande todo sera amor, solidaridad, logro i kontentes.
Muestras sinseras felisitasyones a las famiyas Mizrahi i Meriç i muestros mijores dezeos a Leyla i Izzet.
Mueva Polemika sovre el rolo de Pie XII en 1939
Es debasho este titulo ke Jean- Jacques Bozonnet, un de los redaktores del kotidyano Fransez “Le Monde” mos ambeza ke un livro vyene de ser publikado debasho la sinyatura de la historyana Italyana Emma Fattorini de la Universidad “La Sapienza”, sovre los ultimos mezes del Pontifikato del Papa Pie XI (onze), i la tensyon ke egzistia (konsernando las relasyones a tener kon la Almanya hitleryana i el fashizmo Italyano) entre el i el kolejyo relijyozo de la epoka, dirijido por el Kardinal Eugenio Pacelli futuro Pie XII.
La eskritora avla de un diskorso muy kritiko enverso los rejimens totalitaryos, ke Pie XI tenia la intisyon de pronunsyar el 11 februaro 1939, lo ke no pudo malorozamente realizar visto ke muryo antes esta data.
La Historyana Emma Fattorina afirma tambyen ke su suksesor (Pie XII) izo destruir el manuskrito de este diskorso i las kopyas prontas a ser distribuidas , lo ke segun eya konfirma el argumento ke Pie XII serro los ojos sovre las persekusyones de los djudyos
La publikasyon de un semejante livro provoko, se entyende byen, protestasyones i sovre todo una kontroversya al sujeto del rolo de la Eglisya durante la segunda Gerra Mundyal, debasho el Pontifikato de Pie XII, i esto djusto en este momente ande se avla de su “kanonizasyon”...
Su aksyon egzakta enverso los Judyos i las minoridades persekutidas por los nazis sera mas fasil a djuzgar kuando los arshivos del Vatikan seran avyertos a todos los invistigadores.
Entretyempo, la “Anti Defamation League”, Organizasyon Amerikana por la lucha kontra el antisemitizmo, demando la suspensyon de la prosedura de beatifikasyon.
