En realidad, el no desparese enteramente. El fue uno de los primeros profesores djudyos ke tuvyeron la posibilidad de ensenyar en la esfera universitarya i ansi el desha detras de el una armada de vyejos disiplos a los kualos el inkulko la sensya i el senso del dever.
De una intelijensya remarkavle, a la vez briyante i profunda, i de una kultura muy ancha ke trespasava los limites de la matematika i ayegava a la alta filozofia, el era un grande pensador, simple en su manera de bivir, komprensivo i syempre avyerto a todos los problemas de la aktualidad.
A sus keridos i serkanos amigos, muestras sinseras kondolensas i la ekspresyon de muestra grande simpatia.
