El Ultimo Aki Yerushalayim
La semana pasada tuvimos el grande plazer de resivir el ultimo numero de Aki Yerushalayim, komo syempre riko en su varyedad de artikolos interesantes sovre differentes sujetos.
Entre munchos otros Madres Djudias de Sultanes en el İmpero Otomano, Los Gran Rabinos del Imperio Otomano, Los Djudios de Izmirde Moshe Saul el mizmo, Las Djuderias de Aragon de Zelda Ovadia, La Falsa Korrespondensia entre los Djudios de Arles i los de Estambol de Gad Nassi, Filatelia Sefaradide Mordehay Arbell, El kantoniko del Soletreo de Avner Perez, krusigrama de Matilda Koen Sarano, i munchos otros de Gloria Asher, Dr. Yaron Ben Naeh i David Angel, Moshe David Gaon, Rivka Abiri, Hulya Deniz, David Isaac Menasse, Esther Cohen, Rabbi Mitchell Serels, Gladys Pimienta etc...etc...
En anekso El Pregonero kon un tablo jeneral de las aktividades kulturales Sefardies en el mundo: Arjentina, Gresya, Beljika, Fransya, Meksiko, Turkia, Espanya, Israel, Ingletierra, Chile.
Tanto ke avra semejantes lavoros de redaksyon sovre sujetos diferentes i tambyen semejante esforso de informasyon i kontakto al nivel mundyal, el futuro del Sefaradizmo se topa asegurado.