17 Ekim Salı akşamı Perspektif Sayfası olarak, bu sene yapmayı planladığımız “Salı Tartışmaları”nın ilkini gerçekleştirdik. Küçük gruplar hâlinde, cemaatimizdeki sorunlar başta olmak üzere, hayata dair çeşitli konuları tartışmayı planladığımız akşamların ilkinde “Gençlerin Gelecek Kaygısı
Eli PERAHYA
Mos demandamos deke la figura de Henri Yaşova kedara inolvidavle en la Istorya de muestra komunidad.
En mi kualidad de vyejo amigo del Defundo i de uno de los mas ansyanos myembros de esta kolektividad, puedo afirmar ke, syempre kon palavras ke yevavan el siyo de la verdad i de la refleksyon, Henri Yaşova, durante un largo tyempo, fue el konsejero de munchos konsilyos komunales i partikularmente de nombrozos mansevos en formasyon a los kualos el ensenyo la responsavilidad en mizmo tyempo ke la valor de la solidaridad..
Syempre kon diskresyon i takto, el supo insuflarles el senso de la Unyon i les dyo la Maturidad nesesarya para pueder asumir mas tadre kargas importantes. Ansi el izo de eyos el apanaje de munchos dirijentes de muestra komunidad i empeso ansi una immensa kadena umana ande kada pedaso apareja el sigyente.
Henri Yaşova mostrava el kamino. El era de una integridad moral absoluta, imprenyado de prinsipyos etikos de los kualos izo su linya de kondukta, i era amado ansi ke respektado por todos, espesyalmente por esta manseves ke el formo.
Poko tyempo antes de su muerte, tuve la okazyon de enkontrarlo i lo vide sufriendo en la kayades kon kalmo i dinyidad
Ke su alma repoze en paz.
