Esti SAUL
Los Estambollis enkontraron oy en un vapor (de la Munisipalidad) un tablo diferente.
Para fiestar los 250 anyos de Mozart, konsertos de muzika klasika kon repertoryos de sus ovras reputadas fueron organizados del 19 al 23 de Septembre.
Los pasajeros en el debarkader, en suviendo al vapor Aykut Barka, entre Üsküdar, Beşiktaş, Eminönü, Kadiköy, fueron resividos por 2 hosteses kon perukas i vistidas komo en la epoka del XVIII siglo.
En el sigundo kat, 20 m2 se preparo por la orkestra kompozada de 5 konsertistos.
La pianista Rüya Taner (premio Mozart) i elevos de la Universidad de Mimar Sinan egzekutieron Mozart perfektamente.
Los vapores elegantes blankos de la Marmara son las novyas de muestra sivdad, entre los kayikes de los peshkadores.
Grasias a la Munisipalidad ke supo dar una otra nota de kultura i arte: Estambol gozo de 4 diyas de sol agradavles, kon el grande kompozitor Mozart.
