Karel VALANSİİran kadar Lübnan`ın içişlerine karışan bir dış güç daha var: Suriye. 1976 yılında, Riyad Antlaşması uyarınca iç savaşı denetim altında tutmak amacı ile barış gücü olarak, Lübnan`a asker yollayan Suriye, askerlerini ancak geçen sene -yoğun uluslararası baskılar sonucunda- geri çekti
La muerte de un Grande Sefarad
Es kon grande tristeza ke mos ambezimos la muerte de
Sn. Leon Levy
Prezidente Onoraryo de la “American Sephardi Federation” i ansyano Chairman de la “Conference of Presidents of Major American Jewish Organizations”.
Leon Levy era ijo de una famiya de Turkia (Tekirdağ) ke avia immigrado a los Estados Unidos al prisipyo del venten siglo.
Durante toda su vida, el fue un grande filantropo i luchador en favor de la mantenensya i ekspansyon del Sefaradizmo. El fue uno de los partisipantes de la delegasyon ke fue (al nombre del Sefaradizmo Mundyal) onorada en Espanya en 1990 por el premyo “Concordia” akordado por el “Principe Philipe de Asturias”.
Ke su Alma repoze en paz i kel rekuerdo de su egzistensya kede syempre eskrito en letras luminozas en la memorya Sefardi.
El Instituto Cervantes de Estambol kumple sinko anyos
Pablo Martín Asuero
Aze agora sinko anyos, el 17 de Septiembre de 2001 ke se abrio el sentro kultural de Estambol. A lo largo de este tiempo se izieron 8.000 inskripsiones i impartido ademas kursos de formasion a profesores de Lengua Espanyola. Se trata de la unika institusion en la Turkia ke realiza esta klase de kursos i ke kuenta kon una biblioteka espesializada en espanyol kon más de 10.000 entradas, entre livros i audiovisuales, los kuales pueden ser konsultados en línea i solisitados por la posta. Vamos a azer una seksion dedikada al judeo-espanyol i otra a la kultura sefardi.
El Instituto Cervantes de Estambol kolaboro en este tiempo kon una ventena de universidades turkas asi komo kon todas las representasiones latino-americanas akreditadas en la Turkiya, no ay ke olvidar ke se trata de una institusión pan-ispanika, kere dizir, de todos los ke se ekspresan en espanyol en todas sus variantes, inkluida la de los sefardis de la Turkiya, i ke además promosiona las diferentes kulturas i linguas espanyolas. De esta manera se ofresen kursos de katalan, galyego i vasko i estas linguas estan prezentes en filmos o ekspozisiones de livros. Algo similar pasa kon los sefardís. Komo munchos savesh este sentro ofrese kursos de judeo-espanyol kon las profesoras Karen Gerson Sarhon i Dora Nyego i organiza aktividades kulturales o prezentasiones de livros komo la koleksion de refranes titulada Trezoro Sefaradi de Beki Bardavid i Fany Ender ke azeremos en Novembre.
