Marsel RUSSOTürkiye kamuoyunun Lübnan`a asker gönderme konusunu tartıştığı şu günlerde, bu ülkenin günümüze nasıl geldiğini ve şu anda yaşamakta olduğu sıkıntıların kaynağını irdelemek ve kaldığımız yerden devam etmek, Lübnan gerçeğini anlamak adına önemli...
Sara i David Yanarocak en Bulgaria
Muestros amigos i kolegas Sara i David Yanarocak se topan aktualmente en Bulgaria ande fueron kumbidados a partisipar kon sus kantes i sus gitara al “Dia del Judaizmo Evropeo”.
Relasyones de amistad i de grande kerensya mutuales fueron kreadas entre las dos komunidades, grasyas a este interkambyo artistiko i intelektual.
Sara i David Yanarocak en los Balkanes por uno o una serie de konsertos ...Karen ªalhon en Almanya por una konferensya ...la semana pasada el konserto del Orkestro dirijido por Daniel Barenboim ...Ke mijores embashadores de “la Paz i la Unyon” ke eyos! Es ke, un dia, la umanidad va enfin entender la valor nol solo estetika ma tambyen etika del arte en su bushkida de la ermozura i la armonia?
Alegria en la Sinagoga Neve ªalom
Alhad el 3 Septembre, en el kuadro somptuozo de la Sinagoga Neve ªalom, adornada de flores blankas i yena de kantes i amigos venidos para partisipar a la Alegria de las famiyas “Gila i Yakup Yakar” ansi ke “Sara i Melih Aji”, Ruti Aji i Aslan Yakar aunaron por syempre sus vidas en la kerensya mutual, el amor i la armonia.
Ke sus futuro sea syempre briyante i orozo.
Todas muestras felisitasyones i muestros sinseros auguros de felisidad a los novyos i a las famiyas Aji i Yakar.
