Dünyanın eski 1 numarası ABD`li raket Andy Roddick, yeni çalıştırıcısının tenis dünyasının efsanelerinden Jimmy Connors olduğunu açıkladı. Uzun zamandır beklenen performansını sergileyemeyen Roddick, Connors gibi dev bir isimle yeniden yükselişe geçmeyi hedefliyor
La muerte de un grande Istoryano i de una grande Konsensya
Ay unos kuantos dias, Pierre Vidal Naquet de orijen Judia, uno de los mas grandes istoryanos Fransezes i verdadera konsensya al nivel universal serro sus ojos por syempre.
El lucho toda su vida kontra la tortura i la injustisya desha detras de el , el rekuerdo de un ombre derecho, imparsyal i muy sezudo.
Ke su alma repoze en paz.
El premyo TUBITAK 2006 fue pasyalmente atribuido al Prof. Erol Çerasi
El premyo TUBITAK 2006 ke onora kada anyo, al nivel internasyonal, savyos ke se se azen distingir grasyas a sus bushkidas en el kampo syentifiko, fue atribuido a muestro korelijyonaryo Prof. Dr. Erol Çerasi de orijen Turka.
Todas muestras felisitasyones al loreato i muestro dezeo profundo de syempre verlo apresyado i onorado.
Vizivle sukseso en los egzamenes universitaryos de los elevos del UÖMO
Los estudyantes “Berry Azaryad”, “Sibel Sever” i “Nedim Azgari”, elevos venidos del Ulus Özel Musevi Okulu se izyeron distingir por el briyante rezultado ke obtuvyeron en los egzamenes universitaryos , lo ke konfirma por seguro la valor de sus propyo eforso i tambyen la efikasidad i la solidez del sistema de ensenyansa ke eyos resivyeron.
Muestra alegria es grande i los felisitamos de alma i korason ansi ke felisitamos la Direksyon del UÖMO.
Una mueva revista Sefardi ke no puede deshar indiferente muestra komunidad
“Dulce lengua sefardi
la que manaba en Toledo
cuna de Yahuda Halevi
Miguel de Unamuno
Ay de esto unos kuantos dias, resivi akompanyada de una letra sinyada por el “Dr. Mario Cohen” Prezidente del “Centro de Investigacion i Difusion de la Cultura Sefardi” i por “ Moshe Shaul” Viseprezidente de la “Autoridad Nasionala del Ladino” una revista nombrada ”SEFARDİCA”, de una muy grande rikeza i diversidad de sujetos tratados por otores sefardis afamados , Dr.Mario Cohen, Moshe Shaul, Maria Cherro de Azar y Luis Leon , Avner Perez, Palomaz Diaz-Mas, Mordehay Arbell, Matilda Koen Sarano, Matilde Gini de Barnatan, Fosé Menascé, Haim Vidal Sephiha, Elisa Cohen de Chervonagura, Marceoo Benveniste, Zelda Ovadia, Gloria Joyce Ascher, Beatriz Mazliah, Selim Amado, Juan Gelman, Salvador Benadava Cattan.
Topi en esta revista, estudyos de investigasyon de un alto nivel intelektual, lavoros de divulgasyon de la kultura sefardi , bushkidas lenguistikas, poemas, artikolos sovre las tradisyones, los refranes , la kozina, en un byervo una enorme varyedad de rensenyamyentos de una alta kualidad todo en kedando al nivel de la komprensyon de kada uno de entre mozotros.
