David ANGEL / Tel-AvivLa Assosiasyon de Judyos de Turkiya en Israel organizo al 16 de Yulyo en el lokal "Erol Akmen" en Tel Aviv una reunyon de los Kuzgucuklus ke biven en Israel.
Pujados i no amenguados
Es kon grande alegria ke anunsyamos el nasimyento de un ijo en el ermozo kazamyento de muestra kolavoradora Suzet i Meir Dalva.
Kel rezin nasido sea syempre ombre de buena ventura, mazalozo, provechozo para su famiya i su entorno ansi ke emisaryo de paz sovre tyerra.
Todas muestras felisitasyones a las famiyas Bonofiel i Dalva.
Una reushita ke onora muestra komunidad
Entre un milyon i medyo de kandidatos, Eda Bahar diplomada del Robert Kolej se klaso disejena (16) en los egzamenes de admisyon a la Universidad.
Ke su kamino sea avyerto i su avenir syempre briyante, yeno de reushitas i de alegria.
