El tablo del austriano Gustav Klimt, 1862 - 1918, pintador del siglo 20. se vendio a 135 milyones de dolares, el presyo el mas alto ke obtuvo una ovra fina oy.
Klimt es una personalita reputada mayor del Art Nouveau i del simbolismo Vienese.
Depaso el rekor ke deteniya Pablo Picasso kon 104,1 milyones de dolares. "Boys with a Pipe (1905)".
El grande amator de arte i famozo industrialisto de kozmetika Roland Lauder poseda oy esta ovra presioza yamada: "Adel Bloch-Bauer".
Este tablo realizado en 1907, mos demostra el portreto de la mujer de un grande industrialisto de asukar judyo.
El muevo patron de la ovra mos dize: "Esta tual es muestra Mona Lisa..."
