Wimbledon Agassi için her şeyin başladığı ‘yer`di.Tenis dünyası iki farklı jenerasyonun nefes kesen oyununu Wimbledon`da izleme şansı yakaladı. 36 yaşındaki Agassi 1992`de ilk Grand Slim`ini kazandığı Wimbledon`a alışlarla veda ederken, 20 yaşındaki Nadal yola devam etmeyi başardı
El Istoryano Rifat Bali en la Prensa Judia Estranjera
Es kon grande plazer ke meldimos en la revista Franseza "Information Juive, i la Amerikana "Erencia Sefaradi" artikolos referandosen al lavoro de muestro konsivdadino el Istoryano Rifat Bali.
Grasyas a su metikulozidad i a la otentisidad absoluta de sus ovras, el supo trespasar las frontyeras de Turkia i afirmar su valor en varios otros payizes .
Muestras felisitasyones i muestro dezeo de syempre verlo reushir.
La Ekspansyon del Judeo-Espanyol en la Almanya
Mos ambezimos kon plazer ke un artikolo elojyozo paresyo en una grande gazeta Judia de Almanya sovre la projeksyon del filmo "Desperate Hours" realizado en Estambol kon la partisipasyon (entre otros kontribuentes) de Elfi Alfandari de kultura Almana, Lazar Russo reskapado de un kampo de konsentrasyon i Harry Ojalvo direktor del Sentro "500. Yıl Vakfı".
El filmo avla de la salvasyon de munchos djudyos de orijen Turka grasyas a la intervensyon i a los esforsos de diferentes konsolos Turkos, lo ke fue konfirmado por muestro amigo Lazar Russo uno de los ultimos sovrebivyentes de la epoka, testigo ainda en vida.
En el mizmo periodiko fue mensyonada la vijita del Prof. Michael Halevi en muestra sivdad, akompanyado de kolegas i dishiplos, los kualos ekspresaron sus kontentes del arresivo ke les fue echo en muestra komunidad i tambyen en muestra gazeta, enkontro durante el kual, Tilda Levi, Karen Gerson-Şarhon i Rifat Bali tomaron la palavra...
Alegria en las Famiyas Habif i Hasan
Una Donzela nasyo ke sera nombrada Olivya Habif , ija de Galia i Hakan i inyeta de Sara i Kenan Habif ansi ke de Tilda i Rifat Hasan Prezidente Onoraryo del Konsilyo Fundador del Ulus Musevi Lisesi.
Ke su vida sea larga i klara, arrelumbrada por la alegria, la paz i la kerensya .
Todas muestras felisitasyones a las famiyas Habif i Hasan, a las kualas auguramos syempre Azlaha i Beraha.
