Novelas... Novelas...

Rafael SADİ/ Tel-Avivİsrail`deki Türkiyeliler Birliği 4-8 Haziran tarihleri arasında Türkiye`den sekiz basın mensubunu ağırladı. Ben de Şalom Gazetesi`ni temsilen gazetecilerin İsrail Başbakan Yardımcısı Şimon Peres ile gerçekleştirdikleri söyleşiye katıldım. Her basın mensubuna birer soru sorma hakkı tanınan söyleşide benim

Judeo-Espanyol
9 Ocak 2008 Çarşamba

Distribusyon de premyos en el Ulus Özel Musevi Lisesi
Momentos de fuerte emosyon, martes la noche el 20 del mez koryente, en el Oditoryum Amram del Ulus Musevi Lisesi, a la okazyon de la distribusyon de diplomas a 47 elevos ke vinyeron de kumplir sus estudyos en esta valoroza Institusyon.
Diskorsos muy sinyifikativos fueron pronunsyados por el Gran Rabino Rav İsak Haleva, el  prezidente de muestra komunidad Silvyo Ovadya, el direktor i varios profesores del Liseo ansi ke  reprezentantes de diversas komisyones eskolaryas.
Nedim Asgari, Eslin Malki, Sibel Sever i Galya Kohen, los kuatro mijores elevos de la eskola, resivyeron kada uno el premyo Albert Levi.
Tambyen, los elevos Can Mibahar, Cesi Kandiyoti, Deyvi Papo, Silvya Benzerat i Serhan Delareyna obtuvyeron el premyo ke konsiste a pasar un syerto tyempo en un kamp de vakansas en los Estados Unidos o la Ingletera, otros en rekompensa de sus buena voluntad i esforsos eskolaryos resivyeron varios otros prezentes.
Ser elevo del "Ulus Musevi Lisesi" es verdaderamente una shans i una grande alegria.
Mazal bueno a todos los estudyantes.

Una novela de la Diaspora
POETA BULGARO DEKORADO
(Segun una letra del eskritor Bulgaro Samuel Frances, adaptada del Kastilyano por Güler Orgun).
El poeta bulgaro Valeri Petrov fue dekorado por el prezidente de a Bulgarias, Gueorgui Parvanov, kon el premio nasyonal "Jr. G. Danov" por su ovra kompleta...
Valeri Petrov, aedado de 86 anyos, es poeta, eskritor, senaristo, dramaturgo i traduktor...
El es konsiderado komo el mas grande kreador literaryo aktual de Bulgaria.
 Tambien  el direktor de teatro Grisha Ostrovski, la aktris Luna Davidova i el aktor Yosif Sarchadhiev fueron premyados por el Prezidente Parvanov.
El anyo 2006 fue ansi yeno de kozas grandes para la chika komunidad Judia de Bulgaria.

Lizi Bahar la Sekretarya Jeneral del Gran Rabinato en dolyo
Es kon grande  tristeza ke mos ambezimos la muerte subita de Meri Abeni madre de Lizi i Meir Bahar, ija de Fani Faraci, ermana de Violet i İzak Faraci i granmama de Teri Bahar.
Muestras sinseras kondolensyas a todos sus serkanos, paryentes i amigos ke su disparisyon prematura  desha en una doloroza konsternasyon.
Ke su alma repoze en Paz.