Dora NİYEGOEl sigundo Alhad de Mayo, es el Diya de Madres. No puede aver en el mundo una madre mas jenerosa ke la madre djudia.La madre djudia es tanto yena de abnegasyon, tanto protektora ke esto arriva a un grado eksesivo i konstitue `un stereotipo` ke puedemos topar mezmo en los livros. Ma antes de sitar las karakteristikas eksesivas de la madre djudia, kero diskutir sovrer los motives ke krearon este stereotipo.Antes de todo, las kondisyones fizikas i
Rav Yeuda ADONİ
Si anduryereş en mis fueros, I gudrareş mis enkomendansas, I las azeraş yo dare vuestra luvya en su tyempo I la tyere dara su ermoya I el arvol de el kampo dara su fruto. İ komereş vuestro pan a la artura I morareş siguros en vuestra tyera I dare pas en la tyera I durmireş, I no avra ken vos espante I por vuestra tyera no pasara espada I vos muçiguare, I afirmare mi firmamyento kon vozotros.
Kon estos versetoz ermozos enpesa la peraşa de Behukotay. Sigun Raşi para ke se realize estas promesas del Kriyador devemos estudyar la Tora I andar en el Kamino de la Tora.
Kuando una persona enra onde el rey por demandar alguna demanda separa delantre de el rey kon myedo I espanto. A la kontra si un lavorante entra a el palasyo por aer algun lavoro, el tyene su tino en el lavoro ke el va azer komo ke no ay ningunos en el palasyo, otra manera no puede prosperar a azer su lavoro. Ansi, el ombre ke estudya la Tora es ke esta azyendo el orden del Rey de los reyes el santo bendiço el. Komo dizen nuestras savyos: no ay nas grande libertad, mas ke el estudyo de la Tora. David Ameleh en uno de sus salmos en el livro de Teilim dize. Penso de azer alguna ovra, mis ayes ma yevan a tu karera. La eksplikasyon de estos byervos: Penso irme I tal luguar ma veyo ke mis ayes me yevan a el santuvaryo.
Kada ombre fue Kriyado, para inçir una misyon en este mundo de kompletar lo ke mankaron otros. En mismo tyempo en inçendo sus doveres el ombre en este mundo deve de pensar i ayudar a los ke poko pueden. Komo meldamos en los perakim diyo no me okupo de mi, ken se puede interesar por mi, kuando yo penso kualo por mi, yo ke valgo?
Custamente David Ameleh kijo dizir, kuando me vo azer mis okapasyones personeles, mis pyes me yevan onde se topa la kolektividad si puedo ayudar a alguno ke esta en apreto.
Uno de los versetos ke meldimos en la peraşa: İ komeraş vuestro pan a la artura, I morareş siguras en vuestra tyera. En el Talmud dizen nuestros savyos.
Kome un tersyo, beve un tersyo, I repoza un tersyo. Si te ensanyas ke no te danye. Nuestros savyos kijeron dizir: Si estas muy arto ipar azardo te ensanyates or algun partekular, te puedes danyar tu salud. La ravya, I la sanya son una maldisyon para la persona komo meldamos en la peraşa de Ki tavo. Te dara el Kriyador un korason ravyozo. Por esta kavza dize en la tora, vaja komer vuestra pan a la artura, no vaja tener mi ravya ni sanya porke el Kriyador va pozar su bendisyon sovre vozotros.
