La peraşa de la semana / Şemini

Dora NİYEGOEste anyo komo kada anyo, la konmemorasyon del Holokosto va ser realizada en la komunita djudiya de Estanbol. La noche del 27 Abril, una seremoniya va ser efektuada en la Eskola Djudiya (Ulus Musevi Lisesi). En esta seremoniya el Holokosto va ser reanimado en los ojos de los espektadores.

Judeo-Espanyol
9 Ocak 2008 Çarşamba
Rav Yeuda ADONİ

La Peraşa de la semana “Şemini” trata por las leyes del Kaşerut. La Mitsva del Kaşerut tyene grande emportansa en la vida Cudiya, i es una baza fondemental del Cudaizmo. Esta enkomendansa lo okupa al cudyo, kada diya partikularmente kuando esta ambyerto. Rambam: Maimonides dize: “Kol anizar badevarim elu mevi keduşa vetaara yeter a lanefeş”.
“El ke se a kavida en las enkomendansas del kaşerut asigura su vida i puja santedad” La Tora nos dyo detalyos bastante klaros, para apartar, entre los animales puros, i enpuros, i kualos son permetidas, defendidos para komer.
Ningun Cudio en los tyempos pasados no supo si estas defensas sovre el Kaşerut, danyava el kuerpo del ombre, eyos eran konvesidos, ke tenia el koraje de no ovedeser este orden, savian ke kontraryo es kitar toda konfiraryo es kitar toda konfiyansa en D. i renyegar a sufterne... Esta fuersa misteryoza, cugo grande rolo en la vida partikular del puevlo cudyo, eya supo mentener el verdadero karakter, malagrado ke Yisrael estava entre las nasyones, enfluensado por diferentes kulturas. “Agora dospues de 3000 anyos de la proklamasyon de la Ley en el monte Sinay, deskuvryo, la sensya grasyas a la bakteriolojia, ke egziste “mikropes” i “parazites” danyozos en las komidas defendidas.
Nozotros no tenemos menester de la atestasyon de  la sensya, nuestra ley es eternala komo dize Mişle:
“Derahea darhe noam vekol netivotea Şalom” Los preseptos de nuestra Ley son yenos de ermozura, i sus direktivas son en favour de nuestro kamino en la vida.”
Devemos aleşarmos de las komidas defendides por nuestra ley, syendo, ke eyas son la kavza de danyar la partida spiritual ke egziste en nozotros.
Ken save si el nivelo moral relativamente ennaltesido ke supo Yisrael mantenerlo, en todos los tyempos, i kaji en todo lugar, no fue direktamente la gudria del Kaşerut?