Batya KEBUDİBekarlara ilginç bir önerim var aslında! Sonra duyduk duymadık demeyin.`Çok eğlenceli bir gece geçirmek isterim` diyorsanız, yazının devamını okumalısınız…
Keridos Korrelidjionarios.
Dospues de un periodo de invierno yelado, alkansimos i este anyo ala fiesta de "Pesah" ke mos apregona la primavera. Pienso ke devemos de meditar todos nozotros sovre su kontenido espiritual del fakto ke "Pesah" es konosido tambien komo "Hag Haaviv/Fiesta de Primavera.
Agradesemos a nuestro Dyo Altisimo ke mos ayego a selebrar esta fiesta cuntos kon nuestros keridos al deredor del "Seder de Pesah" todo en estando alegres i kontentes.
Komo todos ya lo savemos muy bien; el "Seder de Pesah" es la okazion apropriada a embezar i transmeter nuestra idantidad kolektiva i relidjioza a nuestros ninios todo en saviendo ke esto fue dado a nozotros komo un dover por nuestra Santa Tora en el presepto; "Veigadta Levinha Bayom Hau…/ İ Lo Kontaresh a Vuestros Ninios En Su Dia.."
No manko de konfiarme ke mis keridos ermanos kompletaran este dover en el modo el mas dezeado. İ es ansi ke puedemos dekorar a empesar de nuestras sinagogas asta nuestras enstitusiones kon una djenerasyon bien elevada i konsiente de sus doveres relidjiozas komo komunalas.
Profito de esta okazyon de traer a vuestra konosensya una vez otra el fakto ke, a fuersa de los lavoros devuados de nuestros diridjentes se alkanso a maksimizar las mezuras de siguridad en nuestras sinagogas i enstitusiones.
Dezeo i espero ke nuestros keridos korrelidjionarios responderan a esta situasion optenida kon muncha gaste, kon sus partisipasiones a las orasiones en nuestras sinagogas.
Keridos Korrelidjionarios.
De otro punto de vista el "Pesah" teine una sinyifikasion de ser el punto de empesijo ke el Todo Poderozo mos aregalo la Santa Tora por mano de nuestros avuelos, i nuestros antepasados ke tomaron sus lugar en la sena de la istorya.
Nuestra Santa Tora mos envita la atansion sovre este fakto en dizyendo: "Lemaan Tizkor Et Yom Tseteha Meerets Mitsrayim Kol Yeme Hayeha/ Es para ke te akordes el diya de tu salidura de Ayifto toda tu vida."
Aun ke paso de esto kadji trenta i kuatro siglos,i mezmo a kontra de todo modo de enkonvenensyas el parvinirmos a konservar nuestra idantidad relidjioza i sosiala, esto amostra ke nuestra disiplina relidjioza kontiene una fuersa illimitada verso el tiempo.
La veluntad ke nuesros korrelidjionarios mostraran por guadrar i transmeter nuestra idantidad es garansia del orgulyo de nuestra egzistensia.
Kon estos pensamientos i sentimyentos vos bendigo a todos vozotros kon las bendisyones de la Santa Tora i vos aoguro de alkansar a munchas fiestas en siendo aunados, cuntados i menteniendo nuestra kerensia i ermandad.
Moadim Lasimha ve Hagim Uzmanim Lesason
Rav İsak HALEVA
Gran Rabino
