David OJALVOBu haftaki sayıda, Holokost (Soykırım) konusundan yola çıkarak hazırlamış olduğum yazımı okurlarla paylaşmaktan büyük bir onur ve mutluluk duyarım. 21. yüzyıl gençliğinin bir bireyi olarak konu hakkında düşüncelerimi, çağrıştırdıklarını ve tüm herkesin bu gerçekten alması gerektiğine inandığ
Kon la yegada de la primavera, flores en los arvoles i bodas en las Keilot
Bodas, siman de alegria, siman de amor i de muchiguansa.
La semana pasada el 12/3/2006:
Yelda Abudaram ija de Sara i Robert Abudaram i Niso Penso ijo de Sara i Eliya Penso.
Esta semana el 19/3/2006:
Adel Güreli ija de Beki i Nedim Güreli i İzzet Ovadia ijo de Roza i Haim Ovadia.
Verda Haleva ija de Teri i Moris Haleva i Loni Faraci ijo de Emel i Izak Faraci
adjuntaron sus vidas por largos anyos de kerensya, armonia i felisidad.
El Dyo ke bendiga estas unyones, sus myembros, sus moradas i sus posteridad.
Un muevo livro de Matilda Koen Sarano
Polivalente, prolifika, intarisavle, muestra kerida amiga Matilda Koen Sarano, luchadera inkansavle en favor de la promosyon de la lingua i kultura sefardies, otora de nombrozos rekolyos de kuentos de Djoha (de los kualos eya es una verdadera espesyalista), vyene de publikar un muevo livro entitolado "Por el Plazer de Kontar" (kuentos de mi vida).
Venimos de resivir este livro ke eya personalmente tuvo la amabilidad de mandarmos. Mos propozamos de estudyarlo profundamente afin de dar a muestros lektores un kuento rendido detalyado i presizo.
Todas muestras felisitasyones a muestra amiga ke rengrasyamos de alma i korason i a la kuala auguramos munchos anyos de lavoro fruktuozo.
El Koordinador i kapo- editor del ŞALOM en dolyo
Muestro Koordinador i kapo-editor el Av. Yakup Barokas i su mujer muestra kolavoradora Nelly Barokas pyedreron sus ermano i kunyado Rifat Barokas, despues de una larga lucha sin esperansa kontra un mal inkuravle.
Muestras sinseras kondoleansas a su mujer Nina Barokas a su ija i yerno Yael i Şeref Vidal, a su inyeta Bettina Vidal ansi ke a todos sus serkanos.
Ke su alma repoze en paz.
Purim en muestra komunidad
Komo kada anyo, la ermoza fyesta de Purim fue selebrada en el Kal Ahrida de Balat i en kaji todas la Institusyones i Ovras karitativas de muestra komunidad, en la alegria, las rizas i los kantes ; i tambyen kon la esperansa ke los anyos venideros seran mas dulses i los ombres mas humanos i mas djustos.
Para kada anyo mijoreado.
