LA HUENTE

Fani Motola muryo. Kon su disparisyon, la Komunidad Judia de Estambol peryo una de las personalidades las mas markantes de este empesijo de milenaryo.

Judeo-Espanyol
9 Ocak 2008 Çarşamba

Notas sovre Emmanuel Levinas
Elie Perahya

Emmanuel Levinas nasyo en Lituania en 1906. Su padre era livrero en Kovno. De kultura Rusa, el fue imprenyado de la literatura de Dostoiewski, Pouchkine, Gogol ets....
En 1923, a la edad de 17 anyos, el partyo por la Fransya i empeso sus estudyos de filosofia en Strasburg. En su livro "Difficile Liberté" el dize sovre la Fransya "Yo deskuvri una nasyon a la kuala se puede apartener kon el esprito i el korason".
En 1928񮕙, en Friburg, el fue el elevo de los filozofos Husserl i Heidegger de los kualos introduzyo las ovras en Fransya.
El fue un grande admirador de la ovra de Heidegger ma nunka le pardono su simpatia por el nazizmo.En un kolokyo de intelektuales judyos sovre la perdonansya, Levinas disho "se puede perdonar a munchos Almanes ma ay Almanes a los kualos no se puede perdonar. No se puede perdonar a Heidegger.
Judyo pratikante, Levinas fue en mizmo tyempo filozofo i talmudisto; sus korsos de Talmud eran sigidos regularmente por judyos i tambyen  numerozos non Judyos.
El muryo en el mez de desembre 1995.