En este simposio, Anri Niyego prezanto una konferensya sovre la Komunita de Haydarpasha i la Sinagoga 'Hemdat Israel', ke es el sujeto del livro 'Haydarpaşa'da Geçen Yüzyılımız', replikado por Anri Niyego, organizado por Sami Yanni i preparado por la kongresyon de la Sinagoga Hemdat Israel. La traduksyon en inglez de este livro "The Untold Story of a Jewish Community in Istanbul: Our Last Hundred Years in Haydarpasha" va sera printada en el mez ke vyene. La edisyon en Turko del livro egziste en dizimueve universitades de los Etados Unidos.
El baryo djudyo "Yel değirmeni" no egziste mas en Haydarpasha. Lo mas de las famiyas ke biviyan aya se instalaron en el distrito de Göztepe. Ma unas kuantas famiyas (una de eyaos syendo la del ekritor Mario Levi) bive ayinda aya . La komunita djudia de Yeldeğirmeni se formo kon los djudios ke vinyeron a Haydarpasha de munchos lugares diferentes de Estanbol (despues del fuego de 1600 i de la epidemias de pesta), de Kuskuncuk (despues del fuego de 1872),de Bulgaria, de Romania i de la Rusia. Los ke vinyeron de estos payizes preferaron bivir en Yeldeğirmeni porke los primeros apartamentos de pyedra i de marmol del İmperio Otomano fueron fraguados en Yeldeğirmeni.
En el anyo 1890, aproksimativamente syen famiyas biviyan en Haydarpasha.Al prisipyo, estas famiyas se ivan a Dağhamam i a Kuskuncuk por sus orasyones relijyozas. Mas despues, eyas alkilaron, en este buto ,una kaza en Yeldeğirmeni . En el anyo 1896, kon el permeso del Sultan Abdülhamit, los djudyos del kartyer merkaron un terreno por fraguar una sinagoga. Este evenemento desplazyo a los Gregos i los Armenios del kuartyer. Despues de pletos , la sinagoga Hemdat Israel fue fraguada enriva de este terreno.
En los primeros anyos de la Republika, la populasyon de Yel değirmeni era kompuesta de Djudyos, Gregos, Armenios, Turkos, Albanezos, Bulgaros i Persyanos. Los djudyos eran lo mas farmasyenes, fruteros, peshkadores, sutchus ( lecheros) i arabadjis (kareteros).
"L'Alliance Israelite Universelle de Haydarpasha", "la Eskola Franseza Saint-Louis", "la Eskola Primera Saint Euphemie", "la Eskola Almana" eran las eskolas de este kartyer.
"La Blankeria de Haydarpasha" era famoza por sus margaritas . Los djudios se ivan azer piknik en este kampo.
Mas de kuatrosyentas kazas djudias se kemaron en el fuego de Haydarpasha en el anyo 1922. Los ochentaisinko por syen del puevlo ke se destruyo en este fuego eran djudios. Las eskolas i la sinagoga no tuvyeron dingun danyo ma los rikos del kuartyer se emprovesyeron. Los djudyos bivyeron en este distrito fin el anyo 1970. Munchos mansevos djudyos graduados de la eskola Saint Joseph i del Kadiköy Maarif Koleji fueron al estranjero , Amerika, Evropa i Israel para kontinuar sus estudyos. Los ke meldaron en Estanbul se instalaron en Göztepe, Caddebostan, Suadiye, i Moda.
Munchos grandes personajes bivyeron en Yeldeğirmeni. Oy, munchos de eyos biven en Israel, en la Evropa, i en los Etados Unidos. Ma so muy segura ke no se olvidaron de sus raizes.
Publikado en la gazeta 'Hürriyet' del 21.01.2006
