Klara PERAHYAKaji kada dia en los grandes periodikos de los payizes evropeos son prezentes tres titolos: "Sharon ", "Kadima" , "Ehud Olmert" , kuando de otra parte , en una kamareta de ospital, un ombre lucha ainda por su vida despues kaji 15 dias de kompleta inkonsensya, un ombre solo delantre la muerte komo son todos los mortales, uno de los mas kritikados i en mizmo tyempo uno de los mas irremplasavles.
Refleksyon de Elie Perahya
La Salud moral
Syendo ke el Ombre es kompuesto de un "Puerpo" i de una "Alma", la salud moral no puede realizarse sin estableser un ekilibro entre estos dos elementos.
Mos alesharemos de todo modo de ekseso en muestra vida koryente, de todo modo de egzejerasyon tanto en muestro komer i bever ke en muestro ser... en muestras ravyas komo en muestra kalmedad ...en muestras pasyones komo en muestra dominasyon de mozotros mizmos.... en muestros dezeos i muestra lucha desfrenada para kumplirlos...en muestra temeridad i en mizmo tyempo en muestro espanto.
En todo modo de sikunstansya, guadraremos muestra sangre fria sin nunka kaer en la indiferensya ni el desdenyo.
