Coya DELEVİEn doz, tres diyas, vamos a entrar en una anyada mueva. Kualo se puede suetar? Esto segura, ke el dezeo unanimo, es paz i repozo en el mundo entero. Lo estamos suetando de todo el korason. Yo, de mi para mi, proklami el primer mez del 2006, mez de optimismo, buena umor, alegriya i felisidad…Kon la esperansa ke se van a realizar estos suetos, venid, todos endjuntos, entraremos al 2006, kon:
Refleksyones rekojidas i adaptadas por
Elie Perahya
El pensamyento ideolojiko se topa munchas vezes a la baza de la mas parte de las horrores de muestro tyempo.
Norman Mailer
(Eskritor)
Grasyas al Amor i a la Kompasyon ke eyas mos ambezan, las grandes relijyones kontribuen a azer ombres buenos i djustos.
El DALAI-LAMA
(Premyo Nobel de la Paz)
La kreensa en la Divinidad tyene un senso si eya mos enkamina verso el respekto i el amor enverso la persona umana.
Ben Yifrah
