Klara PerahyaAlhad el 6 i Lunes el 7 del mez de novembre, tuve el immenso onor de partisipar al kongreso organizado por la Komunidad Judia de Livorno enjuntos kon "La Autoridad Nasyonal del Ladino i su Kultura" İnstitusyon Israelyana enkavesada por Yitzhak Navon sinken Prezidente de Israel ansi ke por Moshe Shaul fundador de la revista "Aki Yerushalayim" i kon la presyoza kolavorasyon del direktor Aharon Kohen.
Rahel Reytan Eskenazi
Yo me akodro de muınchos evenementos de mi chikes: Penso ke bastante de los lektores del jurnal Şalom se van a meter a pensar i eyos a los suyos, kuando van a meldar este artikolo.
Kuando era chika moravamos en Kurtuluş. La kaleja era yena de djudyos modernos ke avian deshado la Kula en bushkida de una mueva vida. Yo era una ijika de sesh anyos, djugava a "seksek", a "saklambach" i a "evdjilik" kon mis amigitas. Kada tadre el sandvich de kezo blanko kon tomat i pipino en la mano, todos endjuntos estavamos en la kaleja; los djugos kontinuavan i saltar a la kuedra nos dava grande entuzyasmo.
Los ijos de la kaleja djugavan a futbol. Eyos no eran muy chikos, ya tenian kaje kinze anyos; todos tenian una bisikleta nueva i kada tadre se adjuntavan serka del bakkal Unal. Estos djovenes tomavan grande plazer a azer "yarish" de una parte de la kaleja a la otra. Los miravamos nozotros los chikos kon grande plazer i merak. Ken iva ser el primer? Dospues del yarish, asperavamos para azer un torno detras del ganador... el tur de la kaleja.
Este modo kontinuimos a engrandesermos fin ke nuestros paryentes empesaron a yevarmos a Caddebostan u a la Büyükada para pasar el enverano.
