LEH LEHA

Klara PERAHYALa semana pasada en la sala de Ifsak (Istanbul Fotoğraf ve Sinema amatörleri Derneği), asisti a una proyeksyon fotografika realizada por Maurice Aseo, poko tyempo antes del ravaje krual provokado por el oraje Katerina, dandomos ansi la vizyon del ultimo karnaval fyestado en la sivdad de New Orleans, el karnaval del " Martez graso" ("Mardi gras", fyesta kristyana ke tyene sus raizes en la leshana mitolojia, fyesta dedikada al plazer i a la sensu

Judeo-Espanyol
9 Ocak 2008 Çarşamba

Rav Yeuda ADONİ

Avraam Avinu kuando teniya setenta i sinko anyos kon orden del Kriador deşo su tyerra i tomo a su mujer a Lot su sovrino i atoda su cente i sofue a la tyera de Kenaan. El Kriador le rometyo a Avraam Avinu ke el va devinir un puevlo grande. Un syerto tyempo Avraam Avinu por kavza ke uvo a ambiyertura en la tyera de Kenaan moro en Mistraim. Avraam Avinu salyo de Mistraim i torno a la tyera de Kenaan. A el luguar nombrado Bet-El. Estonses tuvyeron unas diferensyas entre los entores de Lot su sovrino, kon los pastores de Avraam por kavza ke la tyerra no abastesiya a mantener los orejas ke teniyan entre eyos.
Avraam Avinu, keryento evitar los pletos entre el i Lot su sovrino, le rogo a Lot de esparterse el i irse a un luguar ke le plazeriya. Lot izo lo ke le dişo Avraam, i eskojo un luguar serka el Yarden ke ayi serka se topava las sivdades Sedom i Amora. Avraam Estuvo en la tyerra de Kenaan.
En akeyos tyempos se deklaro una gerra entre los reyes de akeyos luguares. Los reyes de Sedom i Amora. i otros reyes kon eyos, de una parte i Kedorlaomer el rey de la sivdad de Elam i tres reyes kon el de otro parte. La gerra fue ganada de parte el rey Kedorlaomer, i su partido. İ tomaron todos los tyeras de Sedom i Amora. İ lo kativaron tambien a Lot sovrino de Avraam Avinu. Kon toda su azyenda. Tuvyendo avizo Avraam de este kavzo tomo kon el tresyentos i dizioço personas de sus elevos i presigyo a Kedorlaomer i sus konpanyeros i los alkanso i destruyo todo su fonsado i lo salvo a Lot su sovrino i a toda su azyenda de Sedom i Amora i todos personas ke fueron kativados.
En tornanda Avraam Avinu de la gerra lo enkontro a los reyes de Sedom i Amora. Ke se avian eskondido por eskapar de sus inimigos vyendo kon toda la cente i los byenes de Sedom i Amora, le rogaron ke les rendyera las personaz kativadas, i toda la azyendo fuera para el.
Avraam ke teniya un korason jenerozo no kijo aproveçarse de sus azyenda ni kuanto un ilo, i le entigo a los reyes de Sedom i Amora. Todos las personas i toda la azyenda ke tomo de la gerra. Solamente les izo tomar una parte por las personas ke fueron kon el i lo akonpanyaron en la gerra. Avraam torno a su luguar, i Lot se fue a Sedom.
Entonses le dyo a saver el Kriyador a Avraam kon profetiziya todo lo ke teniya ke pasar despues de tyempo, i ke teniyan ke estar kativos en tyeras ajenas, i le prometyo a el a su Simen prometas grandes.
Sara mujer de Avraam vyendo ke no tuvo ijos, le propoza a su marido de tomar a Agar su esklava por mujer. Avraam aksepto a la idea de Sara i tomo a Agar su esklava por mujer. Agar  le paryo un ijo a Avraam, i lo nombro Yişmael. Syendo Avraam de noventa i mueve anyos, le komendo el Kriyador ke se sirkursyero el i Yişmael su ijo i todos los ombres de su kaza. İ ke esto enkomendaron deven de guadrarla su semen para syempre. Ke es un sinyal de aliansa i amistad ke izo el Kriyador a Avraam de darle un ijo de Sara su mujer despues de un anyo. Avraam no manko al punto de azer el komando del Kriyador. En un mizmo diya se sirkusyo a el i Yişmael su ijo ke era entonses de edad de trece anyos i toda cente de su kaza. En este mismo tyempo le troko el Kriyador el nombre de AVRAM por AVRAAM i el nombre de SARAY su mujer por SARA.

La peraşa de la semana pasada
NOAH

Despues de la muerte de Metuşelah Enkomendo el Kriyador a Noah. Ke izyera una arka, por kavza de el Deluvyo (makul). Ke na traer a el mundo. İ ke tome a la arka, dos pares de kada jenero de todos las kriyarsos bivas i de los kuatropeas limpyas, a syete pares de kada jenezo.
Noah izo el komando de el kriyador. Enqueso el deluvyo, kon furturo i relampagos. Malgrado to do esto, el puevlo no pensaron a tornor i repintirsen de sus negros kaminas.
El syeten diyo el 17 de heşvan, entro Noah i sus ijos i su mujer a la arka por entero i enpeso el deluvyo fuerte ke se avyeron los syelos i los atizmos de lo tyero.
Estonses se rekojeron a el deredor de la arka, poz entrar adyentro, ma, el deluvyo se mayargo i se dezerdyezen todos.
En este mizmo diya, enpeso a kayer la luvya de los syelas i suvir las aguas del abizmo i kontuneo ansi 40 iyas i kuarento noçes. Asta ke suvyeron las aguas 15 pikos mas ariva de las puntas de las  montanyas las mas altaz. La arka ivo nadardo en la agua komo una. ......... en la mas fuerte.
150 diyas, kere dizir, dizde el enpesiyo del deluvyo, fin el 17 Nisan, no se vido ningun senyal de tyero en el mundo, de todo era kuarido en la agua. En el 17 Nisan se rekordo el kriyador, de Noah, i de todo la ke teneniya konel en la arka, i menguaron las aguas, i pozo lo arka en una de lon montanyas, de ararat.
Dizde este diya endelantre, iva kada diya mengrando las aguas fur el primer diya de tamur ke abaşo munco la arka i se viyan las puntos de las montanyos.
Pasando otros 40 diyas ke se el o de av, avryo Noah la ventana de la arka i vyendo ke ya minguo munço la agua. Mando a el kuerbo (karga) afuera de lo arka.
El kuerbo no topando lerguas onde pozas, torno a la arka.
Despues de 7 diyas ke es el 17 av, mando Noah a la palomba por ver si se se ko la tyerro.
Syendo no topo luguar para repozarse torno a la arka i lo tomo Noah ardiento.
Pasando otros 7 diyas, ke es el 24 av, mando otra vez a la palomba, oras de todre torno onde el kon una oja freska de zetune en su boka.
Despues de 7 diyas ke es el 1 elul mando una otra vez a la palamba i no torno maz onde el.
En el primer diya de este anyo. Se enşugu aron las aguas de la tyerra el 27 heşvan se seko enteramente la tyera i torno a su seer.
Kon el ordendel kriyador salyo Noah de la arka el i su famiya i todo lo ke aria adriento.
Salyerdo Noah de la arka fraguo un mizbeah a nombre del kriyador. Ayego ai korban. En sinyal de agradesimyento al kriyador por lo ke lo es kapo a el i todo su famiya.
El kriyador resivyo kon plazer el rekonosimyento de Noah. İ prometyo ke por endelantre, a un ke es enposivle sin aver pekadores en el mundo. Kon todo no va destruir mas la tyera entero por los pekados de la cente. El kriyador lo bendişo a Noah i le enkomendo ke muçiguen i ke inçon tyera de cente.