Marsel RUSSOÇağları simgeleyen olaylar, toplumları sürükleyen insanlar, kendisine hayranlıkla baktıran yapıtlar vardır. Bir de dokusuna tarih işlemiş kentler vardır… Yüzyıllar boyunca birçok iyiyi ve kötüyü, güzeli ve çirkini, yapıcıyı ve yıkıcıyı görmüş, onların izlerini taşımış ve gözlerimizin &
En este prisipyo del anyo Judyo, buenas novelas de muestra Komunidad
Nasimyentos
Ija de Valya i İzi Franko, inyeta de Klara i Lazar Franko ansi ke de Lika i Yusuf Besalel, autor byen konosido de presyozos livros entitolados "Yahudi Ansiklopedisi", "Ünlü Yahudiler", "Osmanlı ve Türk Yahudileri", "Yahudi Tarihi", etc... Orli Franko avyo sus ojos sovre un mundo al kual eya traera la Paz, la Kerensya i la Prosperidad.
Todas muestras felisitasyones a las famiyas Besalel i Franko i Vida Larga yena de Alegrias a Orli.
Un Ijo nasyo en data del 15 Oktobre en las famiyas Politi i Debayar ke sera nombrado Roy Debayar.
Ombre de buena Ventura el sera, Orozo i Mazalozo.
A su madre Berrin Politi Debayar i a su padre Roni Debayar ansi ke a su famiya entera, todas muestras felisitasyones i muestros suetos de gozo i alegria.
De mezmo, un İjo nasyo en la kaza de Ancela i Izzet Kunyo, ke en data del 23 Oktobre sera nombrado Sabi Kunyo, ermano de Moris i inyeto de Sara i Moris Kunyo ansi ke de Elise i Sabi Beraha el kual desde numerozos anyos rende presyozos servisyos a muestra komunidad kon su lavoro sin interrupsyon en diversas ovras filantropikas.
Felisitamos de alma i korason las famiyas Beraha i Kunyo i muestros suetos de vida larga i buen mazal al chiko Sabi.
El Dyo ke bendiga todos los nasimyentos.
Bodas
Alhad el 16 Oktobre, en el Kal NEVE ŞALOM, adornado komo syempre kon flores blankas en grande kuantidad, yeno de kantes, rizas, alegria i emosyon, aunaron sus vidas por syempre:
Janet Medina ija de Esther i Vitali Medina kon Metin Mizrahi ijo de Vivyan i Ebram Mizrahi i inyeto de İzidor Baruh byenkonosido por su ermozo lavoro sosyal.
La editora de la rubrika ekonomika del Şalom Nur Şaul ija de Luiza i Santo Şaul kon Sami Barakas ijo de Raşel i Menahem Barakas.
Betül Benarditi tambyen redaktora en la pajina konsakrada a la ekonomia de muestra gazeta, ija de Sara i Moris Benarditi kon Ceki Bilmen ijo de Janet i Hayim Bilmen.
Ke las bendisyones del Syelo i de la Tyerra ayegen asta eyos i ke estas unyones sean koronadas de amor, kerensya i alegria. Amen.
