K.P.La Televizyon İnternasyonal Franseza T.V.5 konsakro 24 oras de su programa a la Turkia i esto fue una enorme kontentes para los frankofones de muestro payis.Komo Frederic Mitterrand (Organizador i koordinador de este espektakolo) lo disho "es otra koza de konoser un payis a travers la prensa o los livros i absolumento otra de estar si mizmo sovre el terreno, de ver kada koza kon sus propyos ojos o oir kada uno kon sus propyas orejas.
Coya DELEVİ
Yehiel de Paris
Rabbı Yehıel, ıjo de Yosef, nasyo a la fın del XII. Sıglo.Fue shef de la eskola Talmudıka de Parıs, fondada por el Rabbı Leon. En esta eskola estudyavan trezyenntos elevos, tambyen pansyonaryos. Ayı se ensenyava los komentos de Rashı, los suplementos de Tosafot, de las eskolas de Champagne. Entre eyas se topavan las de Troyes, Ramerupt, I Dampıerre.
Yehıel De Parıs, en desparte de ser un grande Talmudısto, era tambyen un Kabalısto.En su buro tenıya una lampa ke ılumınava semana entera , de un vyernez al otro, sın akavıdarla kon azete Esta rumor, si rumor aviya, vino asta el oyido del Rey Louis IX, ke demando al Rabbi si esto era verdad. Yehiel respondyo de una manera evaziva. No keriya ser konsiderado komo un echizero o un orgolyozo.
El Rey, alora dechidio de ir un myerkolez, sin avizar Yehiel,por pueder apanyarlo por sorpreza. Akeya epoka, personas sin fey, teniyan el negro uzo de chaptear a las puertas de los Djudios.Yehiel, no dezeando ser deranjado en sus estudyos, aviya echo un endjenyo.Esto konsistiya en un klavo ke en pizandolo ,deshava en un estado mas ke difisil, al ke teniya la ozadiya de chaptear la puerta de Yehiel.. El Rey vino delantre la puerta de Yehiel, i chapteo. El Kabalisto pizo al klavo i el Rey, se enterro el medio puerpo,ma kontinuo a chaptear. El klavo salto al ayre,ansi ke el Rey. Yehiel muerto del espanto, penso: "Es el Rey ke esta en mi puerta". Koryo de vista, i enkorvandose delantre el monarko,el tambyen muerto del sar. Lo aresivyo kon respekto, lo asento al lado del fuego, le servyo dulsuryas. Yehiel ,alora demando al Rey: "Majeste,ke era vuestra entisyon en vinyendo batir a mi puerta? Lo savesh muy byen ke eya es guadrada i sorvelyada por fuersas majikas. Si no era yo ke vos salvi,ivaj a kedar enteramente debasho la tyerra"
El Rey lo rengrasyo en dizyendo ke el buto de su vijita era ver de sus ojos ,si en verdad Yehiel era un echizero o no. İ adjusto ke ansi estavan pretendyendo la djente. İ demas la lampa mirakoloza del Rabbi era la prova. Yehiel respondyo ke no era kestyon de echizo, ma solamente saveduriya de fizika i konosensya de syertos sekretos de la natura. Esto dizyendo, amostro la lampa al monarko. Le ekspliko ke al lugar de azete aviya empleado otco kombustivle (yakıt).
Louıs IX, enkantado de admirasyon, yevo Yehiel a su palasyo. Le dyo rikezas, lo izo konsejero. Estas onores provokaron el selo de los otros senyores, ke disheron al Rey:
"Ekselans, vuestro konsejero vos aborrese, tanto ke no beveriya una gota (damla) de agua de vuestra mano real."
El Rey, no respondyo. Un diya le prezento un vazo de vino a Yehiel ,ke disho: "Ekselans,no puedo bever en este momento, Ma solamente a la fin del pranso."Enfin, asegun el uzo, el Rey se lavo las manos en una chanaka de oro.Yehiel la tomo, i bevyo la agua ke aviya servido al Rey para lavarse las manos.
"Majeste"disho Yehiel. "Puedo bever esta agua ke me permete mi fey,ma no el vino ke me defende". El Rey admiro la fidelidad del Rabbi ,le ato amistad.Malorozamente, eya fue destruida kon los pletos relijyozos.
En 1240, en la prezensya de Louıs IX, İ La Reyna Blanche ,se realizo una diskusyon relijyoza. El buto era amostrar a los medikos Djudios ke el Talmud konteniya insultas i blasfemas kontra el Kristyanısmo. Esto fue el empesijo de un "AUTO DA FE "del Talmud .En 1244, las kazas Djudias de Parıs,fueron bushkadas.Todos los livros ebraikos ,por lo mas presyozos fueron kemados.
Entonses, en Fransya, los estudyos Talmudikos amenguaron. Yehıel, abandono el pais.En primero se fue a la Gresya,despues a Palestina. Muryo en Haıfa, ande se topa su tomba.
Manadero
Contes et Legendes d’Israel
