K.P.La Televizyon İnternasyonal Franseza T.V.5 konsakro 24 oras de su programa a la Turkia i esto fue una enorme kontentes para los frankofones de muestro payis.Komo Frederic Mitterrand (Organizador i koordinador de este espektakolo) lo disho "es otra koza de konoser un payis a travers la prensa o los livros i absolumento otra de estar si mizmo sovre el terreno, de ver kada koza kon sus propyos ojos o oir kada uno kon sus propyas orejas.
Refleksyones sovre la simplisidad por
Elie Perahya
El grande eskritor Fransez André Gide dize en su selebre livro "Les faux Monnayeurs" (Kalpazanlar) ke la mas grande vertud del ombre es la "otentisidad". Mos mostraremos al mundo tal ke semos, ni mas ni manko.
"Mostrarmos mas de lo ke semos" iguala a enganyar el ke se topa enfrente de mozotros.
Solo los ke saven poko mostran ke saven muncho i ansi se aleshan de la simplisidad i de la modestia ke son el apanaje del Ombre de valor.
Es un poko a eyos ke se adresa el Pirke Avot kon estos byervos yenos de sagasidad: "Savyos, akavidavos en vuestras palavras1.
Es (si no me yero) Einstein ke disho ke kale matar en si el amor eksesivo del "YO", el kual
trusho i trae muncho mal a la Umanidad..
