Una sentensya de la Korte Suprema de IsraelDjusta aunke muy Doloroza

Y. Mimar Rubi ASAToplam 2746 m2 lik olağanüstü bir kompleks olan yapı topluluğu ve Büyük Sinagog binası yaşadığı ve günümüze dek yaşattığı anılarla Yahudilik inanç ve değerleriyle yaklaşık yüz yıl süren bir serüven izlemiştir. 2007 yılı bu Sinagogun yeniden inşaası halinde 100 üncü yapım yıl

Judeo-Espanyol
9 Ocak 2008 Çarşamba

Klara PERAHYA

En el buto de prezervar los derechos de un kazal Palestinyano ke puedra ser danyado,  la Korte Suprema de Israel ordono djuevez el 15 del mez koryente de  trokar el lugar de una partida de la "Pared de Sekuridad"  lakuala trespasa la linya vedre ke marka en Sizjordania, la frontera entre las tyerras Israelyanas i Palestinyanas...
Esta pared (ke una partida de la opinyon publika mundyal, sostenida por la prensa, topa plazer a yamar sin ninguna razon valivle "la pared del apartheid")  Israel la esta fraguando en vista de sovreguadrar la vida de sus propyos sitizanos, ekspozados munchas vezes a ser atakodos por ekstremistos palestinyanos .
Juridikamente la  Korte Suprema de Israel  pronunsyo una sentensya absolutamente djusta. Leal enverso el prinsipyo fundamental del "Tsedek", eya la pronunsyo todo en savyendo i afirmando la verdadera razon de una semejante  konstruksyon.
En una epoka si no de belijerensya ofisyal ma en todo kavzo de terrivle insekuridad, kuantos son los payizes  en el mundo ke permetran  ke un semejante djuzgamyento seya formulado sovre sus propyas tyerras, por sus propyos djuzgos?  
La prevalensya del prinsipyo de Justisya en ke kavzo ke sea,  el respekto del derecho del otro,mizmo si este "otro" se topa en el kampo adverso, son unos de los elementos de baza del Judaizmo i es esto ke aze su grandor.
Kale muncho koraje moral i un senso muy profundo de la Ekidad para pronunsyar una  sentensya de una tala importansya. Los mueve  djuzgos de la Korte Suprema de Israel lo tuvyeron este koraje i este senso profundo de la Ekidad.