Alhad el 17 Julyo, una seremonia de Pidyon fue selebrada por la primera vez en la ermoza Sinagoga de Kuzguncuk kon la presyoza partisipasyon del Koro de los Maftirim.
Eran Aron ijo de Linet i Alper Imano resivyo las bendisyones de Rav Yeuda Adoni i de toda la asistensya.
Ke su vida seya yena de buenos akontesimuentos i el syempre mazalozo i venturozo.
Syempre Alhad el 17 julyo, en el Kal ETZ AHAYİM de Ortaköy i en prezensya de nombrozos paryentes i amigos , fue tambyen fyestado el pidyon de Şemuel Can, ijo de July i Demir Habib.
Rav Naftali Haleva aklaro la asistensya, sovre el orijen de esta tradisyon i la nesesidad de mentenerla.
Todas muestras felisitasyones a las famiyas Varon i Habib i a Şemuel Can auguramos de ser un ombre de buena ventura, kumplido i mazalozo.
Shabat el 23 julyo , en la ermoza i historika Sinagoga Italyana, fue fyestado kon kantes de alegria el hatan Ralf Elhadef ijo de Meyzi i Davit Elhadef rezin kazado kon Suzan ijade Nora Belman.
La kontentes era grande, los kantes yenos de bendisyones....
Ke la kaza de los dos novyos sea syempre un nido de amor i de entendimyento i ke la azlaha i la kerensya reynen sovre eyos.
