Eya desho una nota para su marido enriva de la meza.
Era temprano en la demanyana del 5 de Agosto de 1888, i su marido estava durmiendo. Eya deliberamente no mansyono su medio de transporto. Bertha Benz solo eskrivyo ke eya i sus dos ijos, Eugen i Richard, salyeron para vijitar Pforzheim, Alemania, a 90 km de su kaza. No fue asta Carl Benz (ke konosemoz de Mercedes-Benz) se fue a su atelye i se apersivyo ke su mujer i los dos ijos no se fueron a Pforzheim kon treno! Su muevo invento se aviya ido!
Komo amostro un muevo documentaryo alman, Bertha aviya kometido el primer rovo en el mundo de otomobil. Ma este fue un verdadero krimen ke todos podemos aplodisar. Porke
Bertha Benz izo el primer viaje largo en la historia del otomobil.
Lo ke Bertha izo fue una inisyativa pionarya. Su marido Carl era un briyante enjener i aviya designado el primer otomobil del mundo en 1885. Bertha kreyiya en la importansa de su invento. Ma Carl no era un ombre de comerso i no pudo azer la reklama de su produkto.
Bertha saviya instinktamente lo ke todo negosyo moderno konose oy: el marketing de un produkto demanda habilidades diferentes ke de ser un enjenyer. La sola koza ke mankava era la prova definitiva de ke el otomobil era confiable i tambien podia dominar los kaminos de grande distansia. I Bertha tuvo una grande idea de marketing: eya i sus ijos i vana konduizir el otomobil de Mannheim a Pforzheim i ivan amostrar al mundo lo ke podria azer este enjenyo.
Envento de las balatas de freno
Bertha Benz i sus ijos arroncaron el otomobil a fuera del atelye i lo izyeron lavorar solo despues de ke estuvo leshos de kaza ande estava durmyendo Carl. Una vez en el kamino, el trio tuvo ke salir a bash kon muevas problemas. İzo aproximamente 9 km/h. Kon 2.5 kavayoz de fuersa, el otomobil no era sufizyentemente fuerte para suvir los yokushes i tuvieron ke abashar para arroncarlo.
En abashando del yokush, el otomobil kemo los kueros del freno, ma Bertha saviya kualo azer. Demando a un sapatero de meter una kuvertura de kuero a los frenos. İ ansi Bertha fue el inventor de las balatas de freno.
PrImera estasyon de gasolIna del mundo
Solo no pudo kalkodar kuanto de kamino podiya azer kon la gazolina. Ma no fue un grande problema. Las farmasias akel tiyempo vendian kombustivle. Bertha Benz merko gazolina munchas vezes en pasando delantre de las farmasias. Eya merko la primera gazolina en la Stadtapotheke (farmacia de la sivdad) en Wiesloch, Alemania, İ oy, delantre de esta farmasia, ay una plaketa ande eskrive “ la primera istasyon de benzin del mundo”!
En Wiesloch, la cente se arekojiyo al doredor del otomobil todos enkantados. “Santo sako de arena” grito un frutero, “ una mujer konduizando el otomobil”!
Bertha i sus ijos telegrafiaron a Carl en el camino para dizirle loke izieron i ke estan sanos i rezyos!. La tadre arrivaron a Pforzheim i tornaron a Mannheim unas kuantos dias despues.
Komo el vIaje de Bertha troko la IstorIa del otomobIl?
Carl Benz se inyervo muncho por el viaje de Bertha, ma finalmente troko de ideya “Despues del primer shok”, escriviyo en sus memorias, “sinti un grande orgolyo”.
Los resultados del “test drive” de Bertha tambin prezentaron muevos direksyones de enjenieria. Despues, Carl acusto el Benz Patent Motor Car Model III kon un muevo i mijor freno. İ las vendidas pujaron despues del viaje de Bertha a Pforzheim.
La elevasyon de la fabrika de motores de Benz a uno de los grandes fabrikantes de automobiles del mundo no se podia realizar sin la aventura de Bertha.
Su aventura publisitario fue el empesijo de la istoria de reushita de Mercedes-Benz.
Alemania agora tyene un traje conmemorativa de Bertha Benz, markada kon estos signos, para ke los konduktores puedan azer el mizmo viaje que Bertha.
El primer automobil del mundo en un viaje sovre un largo kamino, el primer rovo de otomobil del mundo i el envento de las balatas de freno. Bertha Benz, la primera mujer konduktora de otomobil, reushyo todo los tres primeres en un viaje.
