Forti Barokas
El 26 julyo jueves a la ora 7 de la tadre, el koro NES, kon su dirijador İZZET BANA tuvo la onor de dar un konserto en la izla BÜYÜKADA Anadolu Kulübü en el salon de konferensya. El konserto empeso kon la avla de FORTİ BAROKAS, ke dyo a entender komo nasyeron las romansas sefaradis, komo vinieron fin oy en dia i komo se fundyo el grupo NES, ke kere dizir mirakolo (mucize) en ivrit.
Una muchidumbre de 250 personas asistio a esta aktividad i de las palmas se entendyo ke plazyo i tuvo muncho sukseso. Un repertuar de 20 kantikas, la mayoriya byen konosidas, en munchas, la asistensya kanto kon el koro endjuntos. ORA GÜRKAN (Arvoles yoran por luvyas) i SİBEL SALTİEL (Shema Israel) i el shef İZZET BANA (Esta montanya de enfrente) interpretaron los kantes komo solistas kon sus bozes sentimantal. El konser termino kon agradesimyentos al ANADOLU KÜLÜBÜ ke mos avryo las puertas, al direktor, CEMALETTİN ŞEREFLİER, por sus ayudas i a SİLVYO OVADYA ke peno para realizar este konser i envito a todas las koristas a komer. Oguramos estos i munchos.
