La Orkide Es la flor del amor i la pasion...

Keridos lektores, esperando una enveranada alegre, sueto alegrarvos kon una flor. una planta, una de las mas grasiozas i delikadas... LA ORKIDE.

Esti SAUL Judeo-Espanyol
20 Haziran 2018 Çarşamba

La ROZA era el klishé del sembolizmo.

Oy la orkide, kon su pozision sofistikada, inspiro munchos artistos kon su “charme”, su grasya romantika, sus flores emblema de la egansai, una paleta de kolores palidas o degradés.

Esta unika planta apartiene a una famiya la mas grande de las famiyas de las plantas.

Se konta 22,000 espesias. sin saver el numero egzakto en el mundo.

4 vezes mas rikas de los mamiferes i tambien 2 vezes mas de las espesias de los pasharos.

Las flores tadran de avrir ma las ojas deven la freskor a la polinasion de los insektos.

Ornan muestras kazas las Phalaenopsis Cattleya, Dendroium i Vanda.

Las phalaenopsis kon sus ramos largos, las flores ke asemejan a la boka avierta toman el nombre del grego: PHALAINA - la bulba. las sinko petales se enkontran en las rejiones tropikales.

Cattleyas por sus flores de 10 o 15 sm se diferan i se azen remarkar. Se nombra la reyna de las espesiss.

Toma el nombre de su kreator Inglez (19 siglo). Les gusta la kalor del diya i la freskor de la noche...

Dendrobium: esta espesia avre sus flores en los mezes de Enero i Oktobre... Sus flores son de kolores eklatantes... remarkavles por sus luzyor.

Munchos amatores de kultivar esta planta lo izieron un hobby i mas tadre sus business...

Vos sueto buenas novelas i diyas klaros embiyandovos la planta de ORKIDE para entuziazmarvos i darvos keyf a l’alma...