El eskrivano de la literatura moderna, Franz Kafka, en el nivel universal, es una bushkedad del individuo en frente de la otoridad. Ijo de una familya djudia, nasio en Chekoslovakya.
La dolor de Kafka es klara porke era puede ser un Djudio, en un mundo de kristianos.
Eskrivio livros ke tuvieron grande influensa.
Analizo la manera de pensar i ver del individuo antes i despues de la Segunda Gerra Mondial.
Su grande talento fue konosido en su vida por pokas personas, entre eyos su amigo serkano Dr. Max Brod ke lavoro, eskrivio i murio en Israel.
Kafka le avia demandado de destruir todo lo ke avia eskrito.
En lo ke bivia, se publiko solo kuatro istorias kurtas, ke se vendieron solo muy pokas. Estas ovras eran por Brod las grandes ovras:
El DJUZGO, LA FORTERESA, AMERIKA, entre otras ke se perdieron.
Estos livros tuvieron una grande influensa en la manera de pensar...
Era muy serrado de karakter, ma penso i eskrivio en la lingua alemana en su pais de nasimiento.
Kuando Kafka tenia solo 36 anyos, despues ke izo los estudios de djustisya sin voluntad, lavoro en una ajensiya de asegurasion ke detestava, ma keria tener tyempo libro para eskrivir.
Kafka amostra, en 1919, a Dr. Brod, una letra adresada a su padre Herman Kafka, ma nunka embiyada. La letra empesa kon las palavras: “Kerido padre”. La letra kontinua komo un monologo, ande el ijo responde a las demandas probables de su padre i le dize la verdad.
En la letra, el padre es deskrito komo una persona ke kere empozar sus valores, sus ideas, sus maneras de bivir i de pensar ke para el solo...
Lo topa falso, no sinsero i mizmo agresivo para empozar su verdad. Kafka mensiona komo mantener una familya, komo las kreaturas se deven de edukar, el Djudaismo.
Lo akuza de no tener la pasensia por los ke son diferentes de el i konsiderarlos komo no normales.
La angusia de una vida detestada, bivida por ke es empozada, se refleta muy bueno en su famoza estorya “LA METAMORFOZA” ande se esperta una demanyana para ver ke se transformo en un eskaravajo.
Un otro eskrivano aleman, THOMAS MANN, en sus palavras a Kafka: “De ser kerido por sus kualidades i sus flakezas, lucho por la perfeksion de su alma i su ovra.”
