Alkanso una notoriedad de aktor-komediano kon sus filmos.
El rolo de idiota (boveado) ke kreo fue apresiado en el mundo.
Formo un ekipo kon Dean Martin (1917-1995), sinyo mas de 80 filmos – donde los 16 djuntos kon Dean Martin.
Jerry troko su nombre por la shena, prefero el nombre de su padre ke era un artisto de vodvil.
Debuto su kariera en New York, en kantando. Teniya solo 5 anyos.
En el filmo “The Family Jewels”, Jerry Lewis enkarno siete rolos. Fue el direktor i senaristo (1965). En este filmo, Gary Lewis, su ijo, i su orkestra “The Playboys”, tomaron parte, kon sus kansion reputada “The Diamond Ring”.
Fue el presidente de la “Muscular Dystrophy Association”, el mismo sufriendo de esta hazinura. Jerry Lewis, durante 44 anyos, preparo un program de television por M.D.A. i parvino a obtener 2.45 milyardas de dolares de donos.
En 1977, fue nominado para el Premio Nobel de Paz.
Los dos amigos separados por razones diversas, se reunisaron grasias a Frank Sinatra ke los invito por un program importante (1976).
Lewis eskrivio un livro intitulado “Dean i Yo – Una Estoria de Amor”. Estuvieron amigos fina la muerte de Dean Martin en 1995.
“Puedo rezumar mi kariera ansi” aviya dicho el aktor Judio. “Reushi kon mi rolo de bovo”.
No mos vamos olvidar las bienfezensias i benefaktos de Jerry Lewis.
Ke su alma repoze en Ganeden.
