Teruma

Rav Yeuda ADONİ Köşe Yazısı
10 Şubat 2016 Çarşamba

Kon el komando del Kriyador, rekojo Moshe Rabenu a todo el puevlo Djudyo i les enkomendo por la fragua del Tabernaklo (mişkan santuvaryo). El les dyo a entender kada koza i koza klaramente ke manera tyene ke azerse. I los akavido antes de todo de no ezbivlar i azer ninguna ovra, mismo para el mişkan en diya de Shabat, syendo este diya es el prensipal sinyal del Djudaismo. I todo el puevlo kon muncha kerensya izyeron sus donos para esta ovra santa, kada uno sigun su posibilidad, i enpesaron a punto en el ovra. Todos los savyos ke no mankavan de entre el puevlo de ombres i mujeres lavoraron en esta santa ovra soto la direksiyon de Betsa lel niyeto de Hur del Trivo de Yeuda i de Aoliav del Trivo de Dan enterval  de 5 mezes se termino todo este lovoro. I se lo yevaron todo a Moshe Rabenu, i vyendo ke todo esta custo sigun lo ke enkomendo amostro su kontentes i los bendisho. Sovre el komando del Kriyador ordeno Moshe Rabenu, i el mishkan fue estrenado en el primer diya de Nisan de este anyo, metyo kada koza i koza en su orden. Las tavlas de la ley ke estavan en su tyenda, las pozo diyentro el Aron Akodesh ke izyeron de un syerto palo de Pino muy alavado nombra. Şita - Şitim. I kuvyerto de oro por adyentro i por afuera. I los tapo el Aron Akodeş kon el kaporet ke era una tavla de oro godror de un palmo. Despues de azer todo lo ke enkomendo el Kriyador se kuvryo el mişkan de una nuve. Esto fue un sinyal por el avinir, ke dizde akel diya, todo tyempo ke es tava la nuve sovre el mishkan no se meneyava el puevlo de onde estavan pozados. Kuando se alevantava la nuve su levantavan el puevlo i se ivan kaminando asta ke pozo otra vez la nuve sovre el mişkan pozavan i eyos.