Isaac Levitan (1860-1900), Artisto Pintor Ruso

Isaac Levitan (1860-1900), Artisto Pintor Ruso

Vijitanto el Muzeo de l’Hermitage en St. Petersburg (Leningrad) en 198, deskuvri en la biblioteka  el ermozo livro intitulado: Isaac Levitan, kon letras majestuozas. Me felisiti de deskuvrirlo entre tantos livros de arte. Oy orna mi biblioteka...

El artisto aferro lo ermozo real de la natura i la luz ke sentiya komo estreyas sovre la VOLGA.

Debuta su kariera en presentando la verasita i la egzaktitud, kon su manera de pintar “Tal Kual”.

En avansando en su kamino artistiko, stiliza sus tuales.

Su vida:

Isaac Ilyich Levitan nasyó el 18 de Agosto 1860 en Kybartai (Vilkaviskis), en Lituanya. Su padre, ombre kalmo, empyegado del shemendefer (treno), no solo estudyó en el semenaryo rabinikal, tambyen se ambezó linguas en Kovno ande bivyó, ensenyó el fransez I lavoró en la firma “French Contruction Co.” komo interprete. En 1870, la famiya Levitan se enstala en Moskova, kon sus dos ijos i dos ijas. Sus buto era de edukar i elevar mijor a los ijos. Kuando a 15 anyos peryó su madre i dos anyos despues su padre, no peryó el meoyo, malgrado ke estuvó muy afektado.

En Septembre de 1873, Levitan fue akseptado a la Eskola “Moscow School of Painting, Sculpture and Architecture”. En el jurnal Russkiye ve Domoski meldamos ke una ovra de Levitan resive una madalya de plata de 1878 i otra una en 1881. Partisipa el mismo anyo a una ekspozisyon miksta en Paris, kon sus amigos Nesterov, Korovin, Lebedev, ets. Sus ovras “View of the Simenov Monastery” i “Autumn Day” serán merkadas por el grande Galerista Pavel Tretyakov.

Levitan viaja en la Evropa por la tresera vez, en Italya, Suiza, Almanya. En Vienna vijita la Sézession Exhibition, ke trae uno de los mas importantes korryentes muevos. No solo es pintador, es tambyen elevo briyante i ekselante profesor. Aksepta de ensenyar en Moscow School of Painting, dando una baza solida, inovatora, komo su suksesor Apollinary Vasnetsov.

Su grande amigo inseparavle Anton Chekov, eskrivano reputado, i su famiya, los konosyó en 1885, en Maximovka. Vizinos d’enverano, Levitan I Chekov tyenen la misma afinidad por la natura i es esto ke los unisa. Sus ideal komun es de relevar la emosyon umana. Chekov se enteresa tambyen de la salud de su amigo, ke sufre del korason. Chekov prezenterá su amigo en uno de sus livros (Particoloured Stories).

En akeyos anyos, munchas manifestasyones artistikas tyenen lugar en Rusya. Entre estos, Levitan aze parte de los personajes markantes de la Rusya i del mundo. Los Muzeos de Moskova i Leningrad son ornados de sus ovras.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın