Ki Tetse

Kuando salyeresh a la gera kontra tus enimigos, El Kriyador los entregara en tu mano.

Rabenu Bahye en su livro Hovat Alevavot konta dizyendo: “Un haham vido soldados ke estavan tornando de la gera borachos de la viktory ke ganaron, i glorefikandosen kon grandeza. El haham les dize: ‘por ke estash muy alegres i gustozos?’ La gera ke ganatesh es una gera chika i muy fasil. La gera ke vaja enpesar agora es muy grande i difisil. Venser otras personas es muy facil, ma la persona ke puede venserse a si mizmo es el baragan”.

De este chiko pasaje entendemos ke la perasha ‘Ki Tetse’ no esta tratando solamente de la gera ke se aze entre los puevlos si no ke la gera  ke gereyamos kada ora i punto kon nuestro apetite el malo i los sintimyentos non buenos. La gera ke se aze kon los enimigos es por arezyar el estado i la libertad. Kontra este la gera ke se aze kontra nuestro apetite el malo, es por nuestra buendad partikular; es por la buendad de pueded afirmar las enkomendansos verso El Kriyador. El Kriyador nos prometyo dizyendo komo vos konportash kon mi, i yo me vo konportar kon vozotros. Komo esta dicho en el verseto de la perasha; “kuando vaza salir a la peleya El Kriyador te dara a el enimigo en tu mano. Ma kon una kondisyon si tu puedes venser a tu apetite. Estonses vaza salir a la peleya, i vos a tornar a tu morada en pas”.

La ünyon de la nasyon es muy enportante para la egzistensya de el puevlo. Komo el peshkado no puede bivir sin agua, el bivo no puede egzistir sin respirar. Ansi sin tener ünyon no puede egzistir un puevlo. El puevlo deve de estar aunado komo un kuerpo i una alma.

Estonser prospera i adelanta. Entre la cente deve de reynar pas i verdad, amor i ermandad.

En kuatro perashiyot en la Tora, se trata el sujeto de la peleya. Prima, “kuando vasa salir a la peleya i vas a ver kavayos i armas, i puevlo muncho no te espantes por ke El Kriyador esta syempre kon ti”. Segundamente, devemos de guadrar nuestra alma en la gera cunto, las almas de los enimigos. I por esto dize en la Tora: “Vaza apregonar la pas”. Treseramente, “no solamente te vas a apiadar de las personas si no de los arvoles de fruto, por ke es el mantenimyento de el ombre. No puedes danyar ningun arvol de fruta”. Kuatro: “Deves de konportarte kon custisyo”.

En estos diyas de piadades ke nos topamos en el mez de Elul, miraremos i azermos esforsas a venser a nuestros sintimyentos non buenos. Konoseremos nuestros defektos i los desharemos.

Le disheron los elevos a un sinyor haham nombrado R. Naftali: “Sinyor ke nos de un konsejo bueno. Konoseyamos preados debasho de nuestro apetite el malo”. El Rabi les responde dizyendo:

“Yo esto siguro ke el apetite malo no va presigir a vosotrosi todo tyempo ke vosotros no andash detras de vuestro apetite malo.”

De este dialogo puedemos entender ke todo esta dekolgado en la veluntad de el ombre. Nozotros si echamos un paso derecho El Kriyador nos ayuda a kompleter i azer la bueno. Komo esta dicho:

“Vosotros avrime un burako de alguja, yo vos avrir a vosotros puerta de palasyo.” Dize el Santo bendicho el.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın