Omer Sharıf

No mos olvidamos de los amorozos romantikos del filmo Dr. Zhivago: Omar Sharif i Lara: Julie Christie. Marko la istoria del sinema i resivio premios en 1965.

Omer Sharıf

El filmo de David Lean es una ovra indispensable por los sinefiles ke bushkan la nostaljia en los klasikes. La revolusion Sovietika, i munchos periodos de la Primera Gerra Mondial, i los evenimientos politikos i, sovre todo, la ‘istoria de amor’ es inolvidavle.

Ay muncho de kontar. Le rogi a Dr.Seyfi İşman:

Tuvimos la suerte, antes mezes, de partajar tu saverisio konsernando la sinematografia. Te rogamos de kontarmos Omar Sharif, esta vez, i si posivle en Judeo-Espanyol.

Va azer mi posivle para kontentarvos:

Michel Demitri Chalhoub, konosido komo Omar Sharif, nasio en Aleksandría, el tiempo del Reino de Ejipto, el 10 de Avril, 1932 — i murio en Cairo, Ejipto, el 10 de Julio, 2015.

Fue un aktor ejipsiano de asendensia libaneza ke, después de aver inisiado su kariera en su país natal en la dekada de 1950, se izo selebre por sus filmos britanikos i norteamerikanos, sovre todo Lawrence of Arabia (1962), Doctor Zhivago (1965) i Funny Girl (1968). Fue nominado a un Premio Oscar de la Academia, por su lavoro en Lawrence de Arabia, i ganó tres Globos de Oro i un Premio César.

Empesijo: Ejipto

Debutó a los 22 anyos en el sine ejipsino basho las ordenes del maestro famozo Youssef Chahine. El publiko lo akseptó rápidamente, i ansí pudo protagonizar 18 filmos segidos.

Lawrence de Arabia i Doctor Zhivago

Kuando David Lean bushkava aktores arabes ke avlaran inglés para Lawrence de Arabia, vido una foto de Sharif i kedó impresionado por la apariensia fízika del aktor. El rolo de prínsipe Alí lo yevó a ser proklamado komo kandidato al Óscar, lo ke no le okurrió kon Doctor Zhivago, ma ganó por este lavoro el Globo de Oro al mijor aktor en 1965.

Establesido definitivamente en Hollywood, fue reklamado por direktores komo John Frankenheimer, Richard Fleischer, Fred Zinnemann, Francesco Rosi, Anatole Litvak, Blake Edwards, William Wyler i Anthony Mann.

Los anyos 2000

Su filmografía, serkana a los sien titolos, resivió en los últimos anyos un muevo impulso, espeisalmente grasias a El señor Ibrahim y las flores del Corán (François Dupeyron, 2003), por la ke Sharif recivió diversos premios.

Tenia tambien una grande afeksión al bridge.

El aktor sufrio de Alzheimer i murió a la edad de 83 anyos, de un infraktus.

Malorozamente los funerales de Sharif tuvo lugar manko de lo esperado No uvo nombres famozos ke vinieron del mundo oksidental.

Sharif nasió komo el ijo de una famiya Kristiana i avia elejido el Islam por amar una mujer musulmana. Tuvo una grande pasion por el el djugo i una grande parte de su vida pasó kon difikultades finansieras.

• Al Mosafer  2009)

• Océanos de fuego (2004)

• El señor Ibrahim y las flores del Corán (2003)

• Los viajes de Gulliver (TV) (1996)

• Ché! (1969)

• Mayerling (1968)

• Funny Girl (1968)

• C’era una volta (1967)

• La noche de los generales (1966)

• Doctor Zhivago (1965)

• Genghis Khan (1965)

• La caída del imperio romano (1964)

• El Rolls-Royce amarillo (1964)

• Lawrence de Arabia (1962)

fueron los filmos mas importantes de su vida.

Munchas grasias, Seyfi İşman...

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın