Beıt lohameı haghetaot

Muestra Vijita al Museo

Beıt lohameı haghetaot

The Ghetto Fighter’s House-Por los Kombatantes de los Getos En Galilea Oksidental

La mision de saver transmeter la memoria de la Shoa i la rezistensia de prezervar el patrimonio de Israel no se puediya reflektar mijor. Me emosioni profundamente... Bravo a todos ke kolaboraron!

El Museo de los Kombatantes de los Getos fue kreado en 1949 por un grupo de fondatores del Kibuts LOHAMEI HAGHETAOT (El nombre ke se dio al Museo kuando se kreo). Malgrado ke la majorita de los miembros del kibuts bivian en las barakas i tendas, la ekspozision fue amenajada en uno de los dos batimientos de piedra abondonados por las armadas britanikas.

Los fondatores del kibuts avian konsiderado la kreasion del Museo komo una mision edukativa, moral, para ensenyar a las jenerasiones futuras la istoria de la rezistensia judia durante la Shoa.

Entre los miembros del kibuts ke djugaron un rolo aktivo kuando krearon este Museo, puedemos sitar:

Tzvi Sher, Sara Shner, Tuvia Borzykowski, Gershon Peleg, Yitzhak Antek Zuckerman, Zivia Lubetkin, Miriam Novitch i Binyamin Anolik.

Desde el empesijo, los fondatores del Museo bushkaron los materials dokumentarios, entre los sovrebivientes de la Shoa en Israel i en la Evropa. La primera ekspozision presento, dispozados ensima una meza i tambien en paredes, fotografias i objetos, las fotografias de los alemanes del solevamiento del Geto de Varsovia.

La primera asamblea komemorativa estava situada en la kolina. Oy se amenajo en un amfiteatro a siel avierto. El batimento aktual se fraguo en la primera meatad de 1950. La primera piedra se pozo en 1953 i fue inogurado en1957.

Viniendo de Polonya, el arkitekto Samuel Bickels imigro en Palestina en 1933. Es miembro del Kibuts Beit Hashita...

Su konsepsion era de redijar el Museo komo una sinagoga orientada verso el sud en la direksion de Yerushalayim. Sus archives i un Sentro de Estudios Modernos, kon sus fasades ke azen pensar a una forteresa, son eksepsionales...

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın