El tiempo de tulipas en Estambol

İstanbul’da Lale Zamanı - It’s Tulip Time In Istanbul

El tiempo de tulipas en Estambol

Rengrasiamos İSTANBUL BÜYÜKŞEHİR BELEDİYESİ (La Munisipalidad de Estambol), por la ermozura de la egzibision inovada i estetika kontemporariea de tulipas en Emirgan Korusu.

El projekto “Tulip.Comes Back Home” (Las Tulipas Tornan a Kaza), supo transmeter a las jenerasiones futuras el eritaje ansiano kultural i artistiko de la influensa Bizantina. Penso al famozo aforizmo de Hippocrates: “La vida es kurta, el arte es lungo”.

EMİRGAN KORUSU - es una de las perlas del Bosforo de muestra sivdad. La superfisia de 452,000 m2 del maraviyozo parko/arvoleria de Emirgan abrita 90 diferentes espesias.de arvoles i plantas i avre sus puertas para diferentes aktivitades: Espasios para las kreaturas, parkures sportivos...

Es uno de los unikos lugares ke ofrese a sus vijitadores el kalmo i la ermuzura de la natura en el sentro de la sivdad.

Un lago artifisial ornado de tulipas de vidro, pisinas ornementales, un lago biolojiko, una pisina de dezeos...

Emirgan Korusu es un regalo por los Estambollis.

Los tones de kolor inkomparables no son las mismas - se deskuvre un kontrasto en kada sezon.

La primavera, kada anyo se selebra durante la sezon de tulipas, el tradisional Istanbul Festival de Tulipas.

Este anyo se selebro el 10en aniversario del festival. El disenyo fue una luzyor rika de kolor: el amariyo, el kolorado, el mov, el blanko, se kompozo artistikamente.

La suma de la plantasion komporta al total 192 espesias, 2,800.,000 bulbos de tulipas i 2,100,000 otras plantas de bulbos (alliaceous), kon parfumes indeskriptivles.

Por el projekto “Tulip Comes Back Home” (Las Tulipas Tornan a Kaza), las flores se prokuraron de los produktores lokales, ansi ke las plantas komo jasinto (sümbül/zimbul), narsiso (nergis), adisionadas i kombinadas para formar motivos: amuleto, piedra blu/nazarlik (nazar boncuğu), arko de sielo, ets.

Felisitamos İstanbul Büyükşehir Belediyesi por la estetika de las figuras jeometrikas. Las kompozisiones mos dieron grande keyf. El 10en aniversario se selebro grandiozamente.

Suetamos para kada anyo ke mos ayege de alegrarmos de la natura, sin olvidar los arvoles “ERGUVAN” (Arvole de Judea) yenos de rozas i sus silueta distingida ke dekora Estambol.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın