En Bivo de New York (Canlı Yayın)

Los Operas de Metropolitan en los Salones de Sinema en Estambol Akmerkez Cinemapink

En Bivo de New York (Canlı Yayın)

Los Operas Metropolitan desde130 anyos eskoje i reunisa los mas reputados artistos de opera.

Esta sezon tuvimos la oportunita i la suerte de asistir a los operas maraviyozos de New-York en bivo, ansi ke kon el Sistema de Audio Dolby Atmos i Sony4 Ultra High Definition.

El program:

Il Barbiere di Siviglia (Sevil Berberi), Rossini, 22/11/2014.

The Merry Widow (Şen Dul), Lehar, 17/1/2015.

Les Contes d’Hoffmann (Hoffmann’ın Masalları), Offenbach, 31/1/2015.

Iolanta (Iolanta), Tchaikovsky

Bluebeard’s Castle, Bartok, 14/2/2015.

La Donna del Lago, Rossini, !4/3/2015.

Cavalleria Rusticana, Mascagni, 25/4/2015.

Pagliacci (Palyaço), Leoncavallo, 25/4/2015.

***

Un rezumen de la istoria de Barbiere di Siviglia, redijada por Cesare Sterbini (ke asistimos i apresiyimos durante tres oras...):

La produksion de la grande ovra artistika klasika realizada por Bartlett Sher, mos permetio de apresiar las bozes puras i kristalinas de:

Rosina - Isabel Leonard,

Count Almaviva - Lawrence Brownlee,

Don Basilio – Paata Burchuladze,

Figaro - Christopher Maltman.

La istoria se pasa en la Espanya del 17. siglo.       

El Kont Almaviva es enamorado de Rosina ke enkontro en Madrid, viene a Seviglia i toma ayudo de su barbero Figaro para pueder aserkarse de Rosina.

Don Bartelo ke tiene el ojo en Rosina i sovretodo en su rikeza, aze planos para kazarse, i obtenerla. Se pensa i se prepara otros djugos para notralizar los planos insidiozos de Don Bartelo.i se parviene. Los amantes orozos, Rosina i Almaviva, se unisan a la fin...

***

Entre las 3 senas se puede dar una poza, vijitar i profitar de los servises del Cafe Cinema Pink), komer, bever en los restorantes o kafes diferentes.

Rengrasiamos los dirijantes de AKMERKEZ CINEMA PINK por sus aktividades artistikas i muzikales.

Los bilyetos se obtienen de los gishés.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın