Şelah Leha

Rav Yeuda ADONİ Köşe Yazısı
11 Haziran 2014 Çarşamba

El puevlo Djudyo arivo al luguar nombrado Kodesh Barnea en las kavos del dizyerto de “Paran”. Arivando a este luguar, ya estavan muy serka de la treya prometida en un kurto tyempo ya puedian entrar a la tyera de Kenaan, la tyera prometida, del Kriyador i Moshe Rabenu. Por konsolor al puevlo les dize: “Ermanos miyas, ya vos aserkatei, a el luguar ke nos prometyo el Kriyador, Mirad ke vuestro Kriyador, ya vos apronto la tyera delantre vozotros. Suvid i apatronodvos de eya sigun la veluntad del Kriyador sin myedo ni espanto de nada.

Malorozamente el puevlo de akel tyempo ne meresyo gozar de la tyera bendicha i por sus mal konporto se deperdyeron i muryeron todos en akel dizeyerto.”

Los Djudyos sintyendo estas palavras de Moshe Rabenu, las entendyeron trokados i pensan ke por endelantre ne vana tener mas protejador. I es ke kon sus fuersa i entelijensa tyenen ke suchiguar la tyera prometida sovre esto se van todos sin sin regia ni respekto onde Moshe Rabenu i le dizen: Ke Keren mandar eyos personas a esta tyera. Porke eskulken i veyan i ke les avizen kual es el kamino ke vana tomar i kualos son la sivdades ke vana suchiguar, i se olvidan enteramente ke Moshe Rabenu sus pastor fidel esta kon eyos, i ke esto todo no apartyene a eyos de pensarlo.

El Todo Poderozo topo konvinivle sigun su alto saver de no defenderles esta demanda i le dyo orden a Moshe Rabenu de desharlos azer su veluntad, solamente ke le enkomendo ke mandara doce personas onoradas. Kaveseras del puevlo, uno de kada trivo, i konno fueran i na djente ordinarya, i le enkomendo ke la repuesta i lo ke vana ver ke se lo digan a Moshe Rabenu i ke entyendan ke el es sus Kapo i rijidor.

Moshe Rabenu izo el komando del Todo Poderozo i tomo doce personas una de kada trivo, i los mando a la tyera de Kenaan, dizyendoles ke eskulkaron la tyera en todos sus raportes, si es buena su klima o no. I la djente de ai ke manera son, se son fuertes o flakos, pokos o munchos i las sivdades ke moran si son enkastelyadas o son avyertas, i les dyo a entender la direksyon ke tyenen ke tomar.

Los eskulkadores aparte de Kalev ben Yefune i Yeoshua bin Nun, los dyes eskulkadores dyeron un raporto desfavoravle, i kavzaron ke el puevlo Djudyo kedaron en el dizyerto 40 anyos.