El filmo The Monuments Men

Una istoria verdadera-Kasadores de Trezoros. La bushkida de ovras rovadas por los Nazis.

El filmo The Monuments Men

El rejisor i aktor GEORGE CLOONEY konta:

En la Sigunda Gerra Mondial, en la perioda de la okupasion de la Fransia por los Alemanes; el komandante de la aviasion Alemana, Goering, un grande amator de arte, ordona de konfiskar las ovras de arte de los museos i sovre todo de los Judios grande koleksionarios, amantes de arte, para embiyarlos en Alemania...

Despues ke los Amerikanos entraron en gerra, Roosevelt formo, para rekuperar las ovras presiosas, un ekipo de profesores i kuratores de Beyos Artes...

Los personajes umanistos formados de Frasezes, Amerikanos, Irlandezes, ets., no saviendo gerrear, se meten en un kamino danjorozo, kon el buto de salvar las ovras para remeterlas a sus proprietarios.

El grupo de voluntaries de 7 amigos, enkontran Cate Blanchett (Claire), nasionalista franseza, i ansiana konservatora del Museo Jeu de Paume, anekso del Museo del Louvre, konsakrado al “Impresionismo”, ke ayuda a la eskondida.

Claire, ke fue engajada por un jeneral Aleman komo sekretaria, entrega su rejistro muy presiozo, ande avia notado las ovras de arte de pintores reputados i los adresos.

A la fin del filmo, mos demostran los tablos, los lingotes de oro, Menoras, Rimonimes de oro i plata, un grande tonel yeno de kurones arankadas a los dientes de las viktimes de la Shoa, ets. ke fueron topados...

Los artistos reputados del 7.en arte, George Clooney, Matt Damon, Bill Murray, John Goodman, Jean Du Jardin, Bob Balaban, Hugh Bonneville, Cate Blanchett, realizaron un djugo maraviyozo en deskuvriendo la rikeza de la kultura Franseza.

Se metieron en perikolo por el ARTE.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın