Toledot

Avraam muryo de edad de 175 anyos, kon vejez buena i arto de todo bueno. I fue enterado por mano de Yitshak i Yishmael, sus ijos en Hevron en la meara ke merko de los ijos de Het.

Esav, el ijo grande de Yitshak, todo su tyempo lo pasava en los kampos, la kontra de Yaakov su ermano ke no pensa mas ke estudyar en la ley i en la sensya, i kaminava syempre kon plinismidad i buendad kon el Kriyador.

Un diya vino Esav del kampo, kansado i espantado i muerto de ambre. Vyendo  un gizado ke izo Yaakov, akeya ora para komer, le demando ke le dyera a komer de este gizado. Yaakov no refuzo i le izo su dezeo.

Entonses la Behora(mayoridad) era una koza muy emportante entre  las famiyas onoradas, i ke es, despues de la muerte de un padre, se okupava el ijo mayor (Behor) del rijo de la kaza i de la edukasyon de la famiya. I todo deviya ser rejido por su komando. İ Vyendo Yaakov el negro komporto de su ermano ke no keriya saver mas ke ir de kampo en kampo, i kalkolando kon muncho razon ke una persona semejante no va ser kapavle de rijir la famiya kon onra i onestedad, le rogo a Esav ke le vendyo a el su behora. Esav de su parte ke no konosiya ni apresyava la valor de la behora no se deşo muncho rogar, i en vista aksepto kon plazer venderle a su ermano Yaakov la Behora i estar mas libero. I se konvino presto en el presyo, i le dyo Yaakov lo ke dezeyo a su ermano. İ kedaron de akordo. Yaakov se izo el Behor. Esav se fue a su echo sin tener ningun regreto, ni enbarasarle por lo ke izo, syendo no teniya ninguna valor en sus ojos lo ke venydo.

Yitshak se enrekesyo bastante en Gerar a tal grado ke las pelishtim se selaron muncho de el, i azian munchas kozas kontra su veluntad, i sovre todo en echo de los pozos. Ke todos los pozos ke kavokavan los mosos de los mosos de Yitshak se los topavan los pelishtim.

Ke mismo Avimeleh rey de Gerar por no pueder suportar su grandeza le disho a Yitshak ke se fuera de gerar. Ma Avimeleh se topa muy kulpoza i lo yama de nuevo a Gerar.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın