Entre todos los ijos de Yaakov, el mas savyo i entelijente de todos era Yosef el primer ijo de Rahel. İ su padre seya por su entelijense por ke era regalado de su madre lo amada mas ke a todos sus ermanos. İ en sinyal de su amistad le izo una kamiza de una rapa muy fina I muy ermoza. Lo ke no izo a ninguno de sus ijos.
Vyendo esto las ermanos de Yosef, se selaron de Yosef, i lo aboresyeron munço.
Yosef, aun ke era muy savyo i entelijente se konteniya un poko sovre sus ermanos, vyendo la amistad kele amortrave su padre, mas ke todos sus ermanos.
En este enterval se sanyo Yosef dos suenyos. Los kualos demostravan ke el teniya ke ser Sinyor i podestador de sus ermanos. İ el konto sus espenya a su padre i a sus ermanos.
Este konporto de Yosef no izo mas ke pujar el selo I la aboresyon de sus ermanos kon el.
Un diya, estando los ijos de Yaakov apasentando sus orejas. Tadraron en el kanpo i no vinyeron a kaza en su ora.
Yaakov le dize a Yosef, ke kudye por sus ermanos. Yosef malgrada ke saviya ke sus ermanos lo oboresyian. No refuzo el komando de su padre.
Sus ermanos ke lo vyeron vinir de le?os les pujo el selo i la aboresyon. Desidaron de Kitarlo del mundo.
Sovre el konsejo de Reuven uno de los ermanos de no matarlo, lo eçaron a un pozo ondo vaziyo ke aviya en el kanpo. Despues de deznudarlo i kitarle la kamiza fina ke le izo su padre en sinyal de su amistad. Todos los yoros i rogativas de Yosef a sus ermanos no izo proveço.
Entonses ven ke vyene merkaderes Yismeelim para irsen a el ejipto. Alora lo venden a Yosef a los Yi?meelim i se lo yevan a Yosef a Mistrayim.
En el Ejipto lo vendyeron a Yosef a potifar un grande personaje del palasyo del rey de Mistrayim. Yosef fue esklavo en kaza de potifar i lo sirvyo.
Los ermanos de Yosef se repintyeron de lo ke izyeron i bu?kan remedyo por rezgatarlo i toman atros, ma no puedion azer nada. Ya era muy tadre.
Reuven torna a pozo por rezgatarlo a Yosef de ai ke el konsejo ke dyo a sus ermanos de eçarlo a este pozo fue kon este entisyon. Por ir sin ke sepan sus ermanos i tomarlo i yevorlo ande su padre. Vyendo ke Yosef no esta en el pozo, se razga sus vistidos i se va yorando onde sus ermanos.
Los ermanos desidan de no deskuvrir nada de este pasaje a sus padre. Degoyaron un kavretiko i entinyeron la kamiza ke deznudaron de Yosef en la sangre del kavretiko. İ se la mandaron onde sus padre por mano de Naftali. Kon idea ke Yaakov entyenda ke Yosef fue revatado por algun animal del kanpo. Lo ke aze maraviyar es la amorgura i el limunyo de los ermanos de Yosef, despues ke izyeron esta mala eça, ya se repintyeron, yoraron a la muerte de sus erimano i el mal ke kavzo non en esta edad a sus padre. Kedaron syempre amargos asta ke se rankontraron kon Yosef sus ermanos. Komo lo vamos a meldar Bezrat A?em en los pera?iyot vinederas.
La peresha dela semana pasada
Vayislah
Yaakov Avinu mando mesuyeron okde Esav su ermano en unas palavras muy tyernas i umiyantes, dandole saver las fuertes fatigas ke tuvo en sus 20 anyos i servisyo onde Lavan, i ke agora lo engrasyo el Kriyador i es patron de Kualker Koza, le rogo. Ke se olvide todo lo pasado ke seya su amigo por endelantre, komo ertas palavras ke azen ablandor el korason mas duro.
Los mesajeros izyeron el komando de Yaakov, fueron a punto onde Esav i di?eron las palavras de Yaakov. Esav no kijo sus palavras, se ensanyo mas munço kon su ermano.
Sintyendo Yaakov esto, se apronto para todo, enprimero rogo al Kriyador ke este en su ayudo sigun se prometo, ke lo eskape de Esav su ermano. Despues devizo todo su fonsado en dos partez i aparejo un prezente grande de ovejas i kuatropeas por darle a su ermano. Lo reglo de buena manera a ke se le inçıra el ojo de Esav. A medya noçe izo pasar todo su fonsadoa la otra parte del riyo, i la manyana kontenuo i kamino.
Serka el medyo diya, ve Yaakov de enfrente a Esav Kon su Konpanya ke vyenen a su enkontro. Alora se apresuro Yaakov i paso delantre todo su fonsodo i se enkorvo delantre su ermano kon munço respekto i ba?eza de esprito.
Entonses se troko la entisyon de Esav i se ablando su korason, i koryo ol enkontro de Yaakov lo abraso i lo bezo i yoraron de alegriya i le enprezento Yaakov. Todo akel dono ke aparejo para el, i atoda su konpanya les dyo munços regalas. En akel mezmo diya se torno Esav a su kamino a Seir, i Yaakov kontuneo su kamino para la tyerra de Kenaan. Arivo a el luguar nombrado Sukot ke es serka del Yarden i fraguo ayi kaza para morar i luguares para sus ovejas i moro ayi un syerto tyempor.
En loke teniya yaakov 100 anyos se le aparesyo vizyon del kriyador en Bet-El por arituguarse en Hevron alado su padre.
En el kamino, antes de arivar a la sivdad Bet-Lehem paryo Rahel un ijo de un parto muy fuerte, i muryo Rahel del parto a la edad de 44 anyos. Yaakov la enterro enmedyo del kampo i le izo un monumento sovre la tomba.
Este ijo ke paryo Rahel lo nombro su padre Binyamin. Despues de esto, se fue Yaakov a Hevzon i estavo ai munços anyos kon Yitshak su padre.
