Los Djudios de Jamaica

Los Djudios de Jamaica

Komo en munchos paises del Nuevo Mundo, la istoria djudia de Jamaica empesa kon konversos, los djudios sekretos ke se fuyeron de Espanya. Vinieron al Muevo Mundo bushkando no solo muevas oportunidades, sino tambien para alesharsen de la Inkizisyon. Komo en munchos paises del Muevo Mundo, los conversos se alegraron kuando los inglezes konkistaron la isla desde Espanya en 1655. (Un evento fasinante: la barka ke yevo a los britanikos a Kingston, Jamaica, fue pilotado por un Compoe Sabbatha, que era el mismo, un konverso)

Kon la isla basho del kontrol britaniko, los djudios se sintieron seguros viniendo a Jamaica, i munchos yegaron desde territorios kontrolados por la Espanya. El fakto ke la Inkizisyon no estava en Jamaica, no sinyifikava ke los djudios fueron partikularmente bienvenidos. En 1671, uvo una petisyon ke no se aksepto para ekspulsar a los djudios i, en 1693, se impozo una taksa espesyal a la komunidad. En el siglo XVIII, se defendyo a los djudios azer lavorar mosos i mosas kristianos.

Malgrado estos faktos, la komunidad se desvelopo, i los djudios despues de entrar al komersio de asukar i vanilya prosperaron. En 1831, se konosyo a los djudios los derechos iguales i asi los djudios empesaron a ser muy respektados en Jamaica.  I mas mijor, empesaron a entrar a la direksyon de la isla. En 1849, ocho de los kuarenta i siete miembros de la asamblea kolonial eran djudios. Este mizmo anyo la asamblea voto la ley sovre no lavorar en el diya de Yom Kipur.

No solo djudios sefaradis ma i los eshkenazis se establesieron en Jamaica. En un tyempo, aviya sinagogas en Kingston, Port Royal, Spanish Town i Montego Bay. El tyempo moderno, la asimilasyon i los faktores ekonomikos i politikos impakto la komunidad djudia de Jamaica. En la dekada de 1980, solo kedaron unos kuantos syenes de djudios. Oy, kedo solo una sinagoga en Kingston, Shaare Shalom, i tambien una eskola djudia (Hillel Academy), asi ke unas kuantas otras organizasyones djudias.

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın