SHLOMO MINTZ El Lejendario Violonisto en Estambol

Penso al famozo aforizmo de Hippocrates: “LA VIDA ES KURTA - EL ARTE ES LUNGO”

Tuve la suerte de asistir al konserto, maraviyarme del violonisto virtuozo Israeliano Shlomo Mintz, (En el salon de konsierto, Cemal Reşit Rey) el 15 Novembre - es poko dizir. Cihat Aşkın tomo lugar tambien en el konserto, de mismo ke Roby Lakatos.

Shlomo Mintz konsakro su vida a la muzika.

Su vida:

Nasio en Moskova (1957). Tenia 2 anyos kuando la famiya izo alia a Israel.

A los tres anyos i medio, akompanyo su padre kon su violin.

Durante diez anyos fina sus 16, se perfeksiono kon su profesora Ilona Feher.

Su primer konserto a 11 anyos (Israel Philharmonic Orchestra), a 13 anyos (Paganini konserto por violin), a 16 anyos suvyo en shena en Carnegie Hall (Pittsburgh Symphony Orchestra). El ayudo de Isaac Stern servio a Mintz i pudo estudiar en Julliard Eskola de Muzika, New York.

Partisipo a las turnés kon Antal Dorati i Eugene Ormandi, los reputados shefes de orkestra.

Sinyo un kontrato importante kon Deutsche Grammophon.

Mintz resivio munchos premios: Tres vezes GRAND PRIX DU DISQUE (1992 – 1997 - 1998), EDISON (2001), GRAMOPHONE (1994) i entre otras Ben-Gurion: CREMONA, premio de muzika.

Mintz komo prezidente-juristo, fue invitado en Argentina, Japonya, Moskova, Beljika, Polonya, Suisa, ets. por kompetisiones internasionales.

Shlolmo Mintz tiene la mision de formar, en Israel, Keshet Eilon Music Center, los violonistos jovenes ke se prezentan de diferentes partes del mundo (1992-2010).

A sus performansas muzikales, oy en dia kontinua a ser invitado por ser el shefe de orkestras de reputasion mondial.

AŞKIN ENSEMBLE mos ofresio un program perfekto.

Un grande rengrasio a muestro violonisto reputado Turko...

SCHINDLER’S LIST.

PRAYER FOR PEACE: YAIR DALAL.

OBLIVION: ASTOR PIAZZOLLA.

“I’VE MET YOU, MAMA”.

CAPRICE BASQUE: PABLO DE SARASATE, ets...

 

El salon de C.R.R. entero yeno, se alevanto para rengrasiar kon palmas i bravos.

A la fin Shlomo Mintz tomo el mikro en mano, rengrasio la sala i mos regalo kon un bis...

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın