Dr. Frank B. Gill i su livro “Ornitology”

Le Petit Larousse Illustré mos dize ke se konose mas de 20,000 espesias de pasharos. Los artistos se inspiraron para pintarlos i skulptarlos. Todos konosemos LAS FABULAS DE LA FONTAINE i las poeziyas, baladas maraviyozas ensenyadomos moralita, sirviendosen de animales, ke fueron inspirados tambien por siertos pasharos. Egzemplo: La Sigala ke kanto durante el enverano, sin pensar ke se iva kedar ambierto, porke no se akavido por la sezon de invierno. No me olvido de la kantika ke mos kantavan muestras madres: Alouette, gentille Alouette (çayır kuşu)... Vos sueto alegria kon kantes de pasharos en vuestras vakansas.

Dr. Frank B. Gill  i su livro “Ornitology”

En su livro “Ornitology”, el reputado ornitologo (kuşbilimci) Dr. Frank B. Gill konta:

Los Animales Arkitektos

Las teknikas interesantes empleadas por los “ploceidae” (dokumacı kuşları)

Biven en el sud de los kontinentes de Afrika i Asia.

Emplean sus piezes i sus bikos (gaga) para fraguar sus nidos ke se enkolgan de las ramas de los arvoles.

El pasharo empesa su lavoro de konstruir su morada en echando un anyudo, kon una yerva o una oja fina.

Aferra las ojas grandes de un lado kon su biko i bolandose, las korta en bandas finas.

Arregla su nido formando: ANYUDOS, TRENSANDO i TESHIENDO.

Se remarka de sus nidos fraguados a ke orijin i kategoria apartiene el pasharo skulptor ke kanta.

Kontinua Dr. Gill:

LO MAS KURIOZO ES KE UN PASHARO KE FUE IZOLADO I KE NUNKA VIDO UN NIDO, PUEDA AZER EL NIDO PARTIKULAR A SU ESPESIA.

Komo fraguar un nido tan komplikado komo la de su madre i padre?

Ay otras interesantes fraguas, las de los “termites” (ke paresen a las ormigas): 

Las torres (kuleler). Pueden alkansar 8 m. ma no son sus nidos. Sus nidos son debasho de las “torres “ en las “sivdades subterraneas” (yeraltiı şehirleri).

Prof. Scott Turner

Las torres aeran los nidos i los termites tienen muncho menester de aire para bivir.

Los termites siegos kon sus maraviyozas torres; los kastores kon sus intrifikados barajes.

Las ormigas fraguan una trapa (tuzak).

***

El arte egziste para ermozear la vida no solo del ser umano.

Munchas grasias al Ornitologo Dr. Frank B. Gill ke mos aklara de sus bushkidas interesantes.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın